| Тирана |
|---|
 |
| Попатрунок на Тирану |
| Административни податки |
|---|
| Держава | Албания |
|---|
| Округ | Тирана |
|---|
| Жительство |
|---|
| Попис 2023. | 389 323 |
|---|
| Густосц | 9 269,6/км² |
|---|
| Ґеоґрафски податки |
|---|
| Координати | 41⁰ 19′ 32″ С 19⁰ 49′ 11″ В |
|---|
| Поверхносц | 42 км² |
|---|
| Други податки |
|---|
| Поштове число | 1000—1054 |
|---|
| Поволанкове число | +355 (0) 4 |
|---|
| Реґистерска ознака | TR |
|---|
Тирана (алб.Tiranë абоTirana) главни и найвекши варош уАлбаниї. Находзи ше у штред держави, окружени є зоз горами и брегами. Тирану окружує гора Дайти з єдного боку, а долїна на сиверозаходзе прей хторей ше шири попатрунок на Ядранске морйо. Тот варош медзи найвлажнєйшима и найслунковитшима варошами у Европи, зоз 2 544слунковитимагодзинами рочнє.[1]
Тирана главни привредни, политични и тарґовински центер Албаниї праве пре ґеоґрафске положенє, а тиж є и центер сучасного воздушного, морйового, гайзибанского и драгового транспорту.
У Тирани ше находзи будинок парламенту Албаниї, Универзитет хтори основани 1957. року и велї други державни и други будинки, як цо то Албански институт науки, Академия уметносцох, Польопривредни универзитет, Воєна академия, Институт министерства вонкашнїх дїлох. Року 2022. варош преглашени за европску престолнїцу младих.
Иван Ястребов записал же Тирана варош з новших часох, алє векшина историчарох и ґеоґрафох твердзи же Тирана, як варош, походзи зоз старих часох кед ше населєнє волало Тирин. У Скендербеґовим чаше варош бул найскорей у його власносци, а у чаше панованя Туркох бул санджак (часц) пашалуку у хторим окрем Тирани було ище 40 валали. У других писаних жридлох мож пренайсц информацию же Тирану основал османски ґенерал Сулейман-паша, хтори дал справиц джамию, пекару и турску купатльню и наволал вариш Тиркан, на славу побиди при Техерану у Персиї (нєшкайши Иран). Медзитим, то процивне тому прето же єст скорейши записи єдного византийского историчара о каштелю на гори Дайти, по мену Тиркан, у шестим вику.
Нєдалєко од Тирани, у порти старей церкви св. Прокопа, по Першей шветовей войни бул сербски воєнитеметов, хтори руйновани такой по одходзе сербского войска зоз тих просторох. Уцеркви була поставена табла зоз 77 менами погинутих воякох.[2]
Предпоставя ше же у Тирани 1910. року було коло 12 000 жительох, по попису 1910. року було 30 000, а гоч тирвала война, 1945. року аж 60 000.
По попису зоз 2023. року у Тирани жию 389 323 жителє, тот варош у Албаниї найгустейше населєни, аж 502 жителє по квадратим километре.
Тирана ма проблем зоз квалитетомвоздуху. Найвекши заґадзовач то превозки хтори старши як 50 роки, а попри того и гориво барз нїзкого квалитету.
Городска инфраструктура нє адекватна за число жительох у Тирани. Жительох єст превельо и вони маю проблем зоз одкладаньом черствих одруткох и хаснованьом води. Жителє маю проблем и зоз електричну енерґию, цо видно по вельким чишлє аґреґатох хтори ше находза пред кажду предавальню або подприємством у центре варошу.
Попри тих проблемох, у Тирани обачлїве напредованє. Почина ше правиц перши туристични места, а єден з таких поцагох то будованє дротовей дзвигачки хтора будзе медзи длугшима у Европи. Сама дротова дзвигачка закончена, алє хибя ище рижни провадзаци змисти.
У Тирани ше прави велї будинки, окреме у околїску, алє велї улїчки и по нєшка нє маю назву.[3]
- ↑„Sunniest Cities in Europe”, currentresults.com. стр. 1.
- ↑"Политика", 27. феб. 1924, стр. 3
- ↑„BBC Tirana: Where the streets have no name”. 3. 12. 2004. Приступљено 25. 4. 2013.
