Волумен (лат.volumen — „ ролна”), ознака V, то велькосц хтора описує количество простору хторе забера даяке цело.[1]Волумен то велькосц дефинована як число єдинкох простору хтори облапя даяке цело. У Физики ше хаснує волумен як указатель кельо ше даяке цело шири у просторе т.є. кельо забера места у просторе. СИ–єдинка то кубни метер m3.[2] За вираховйованє ше хаснує тродимензийни концепт простору, а волумен ше виражує у кубних єдинкох длужини.[3] За єдинку мери волумену бере ше коцка чия страна ма єдинкову длужину (1 cm, 1 dm, 1 m и подобно), та ше вон мера у кубних єдинкох (cm³, dm³, m³ и подобно), а часто ше виражує и з литрами. Єдинка волумену у СИ-ю то кубни метер, ознака m3, дефиновани волумен коцки хторей страни длугоки по єденметер. Постоя и стари мерни єдинки хтори ше ище и нєшка хасную, наприклад ґалон. Волумен прето маю лєм тродимензионални цела, док подоби у єдней димензиї (наприклад линиї) и двох димензийох (наприклад квадрат) нє маю волумен, то єст вон им єднака нули. Математично ше волумен дефинує з помоцу интеґралного рахунку, апроксимируюци цело як суму волуменох велького числа барз малих коцкох.
Найпростейши приклад вираховйованя волумену за правилни ґеометрийни цела як цо то: коцка, квадер, лабда, пирамида и копа.[4] Коцка з длужину страни a ма волумен:
