Mas u-videm ca continentu, Europa easte al dheftherlu nai ma njic continentu tu lume cu 10,600,000 km² di fatsa-a loclui, a easte cama mare sade di Australia. Dupu numirlu di bãnãtori cai bãneadzã tu Europa, nãsã easte al treia di aradã dupu Asia shi Africa cu 799,466,000 di bãnãtori, icã mas u-videm cama global, tu Europa bãneadzã 1/8 di bãnãtorlji-a lumiljei.
Mãrdzinle di Aratsile, Westu shi Notlu sãntu determinate cum lipseashce, shi sade mardzina di Datlu nica easte subiectu di discusiuri. Azã nãsã s-mindueashce cã easte di Muntile Ural, dupu atsea pi Datlu easte Arãolu Ural shi Laclu Caspic shi depoia yinã pi budzãle-a Amariljei Lae. Dupu atsea tutã Cavcazia easte tu Azia, alla dupu trendurle polititse multsã di staturle di Cavcazia sãntu tu Europa, alla aoatse noi va le-prezentãm sade atselji staturi cai sãntu delihia tu Europa.
