Sar jekh terno medikàlno siklǒvno, o Che Guevara kerdǎs drom trujal iSùdosqi Amèrika thaj sas radikalizime kaθar o ćhoriben, i bokh thaj o nasvaliben kaj vov dikhlǎs. Vov manglǎs so maj but te aźutisarel te kerel jekh revolùcia mamuj so vov dikhlǎs sar i kapitalistikani explojtàcia ël Latinosqe Amerikǎθar kerdi kaθar o Unitisarde Starurǎ, so kerdǎs les te implikisarel pes anθ-ël soćialne reformurǎ anθ-i Guatemala telal o Preśedinto Jakobo Arbenz, kasqo perajmos vaj periben kaθar o Ćentralno Godǐbnasqo Agènco (vaj englezikanes CIA) vaś i Unitisardime Frùkturǎ Kumpanìa kerdǎs o Che Guevara te phandel lesqi politikàlno ideologìa. Maj palal anθ-oMeksikosqo Foro, o Che maladǔvlǎs o Raùl thaj oFidel Kastro, khethanǎrdǎs o 26-to Jùlio Miśkiben, thaj gelo k-i Kùba p-o beroGranma, thaj sas len o gïndo te del tele o diktatòro Fulgencio Batista kaj sas inkerdo kaθar ël Staturǎ Unitisardime. O Che avilo but prinʒardo maśkar ël kätanenθe, thaj sas alosardo sar dùjto-maj-baro lìdero anθ-o miśkiben, thaj vov kheldǎs jekh but vaźno ròlo anθ-e duj berśenqe guerrillaqi kampània kaj dǎs tele o Batista regìmo.
Palal i Kubanikani Revolucia, o Guevara kheldǎs klidinaqe rolurǎ anθ-o nevo guberno.
