Placat d'infurmaziun da l'uffizi federal da sandad davart la protecziun da scolars e scolaras encunter il coronavirus.
COVID-19 (scursanida englaisa percoronavirus disease 2019, per Rumantsch malsogna da coronavirus 2019[1], colloquial corona o covid) es ina malsogna infectusa tge sa po sviluppar en consequenza dad ina infecziun cun il nov virus da corona SARS-CoV-2. La malsogna che attatga surtut la via respiratorica e vegnida descrita l'emprima giada a la fin dad 2019 a Wuhan en China. Durant il schaner 2020 s'ha la malsogna sviluppada en ina epidemia e s'ha rasa ora globalmain en ina pandemia.
La contagiun succeda per il solit tras ina transmissun da guttins. Spezialmain in spazis serrads e mal ventilads es era pussaivel ina transmissiun d'erosol ed il institut Robert-Koch n'excluda betg ina transmissiun via surfatschas contaminadas.[2][3] Bler inditga ina derasaziun tras "Superspreading", quai vul dir eveniments da transmissiun explosivs, nua ina persuna contagia bleras persunas entant che bleras persunas na contagian nagin.[4]
Il curs da la malsogna è betg specific e po variar ferm. Suenter ina infecziun daventan 55-85% perceptibelmain malsaun (index da manifestatiun).[5]
