aicu a kakedriyan a vavayan a sekacalisiyan a embra (Embera) nua i panamasiukay a santu dumingu (Santo Domingo)
pinacacikelan nuaPanama (Espanian: República de Panamá [reˈpuβlika ðe panaˈma]) izua kadjunangan nua vecekadan a amilika (Central America)[1] katua kadjunangan nua kanavaljan a amilika (South America). a i pasakacedas tua pinaljavakan nua kusta rika (Costa Rica) a panama. a i tjaiviri tua panama, mavan a pasaljavek a karibin (Caribbean).
katjaisangas tua djinaljun nua caucau a sesipain ka qadjav a 1600 a kacaviljan, a i taza kadjunangan a kaizuazua a caucau nua sekacalisiyan a i panama imaza.
sinipaljavak aicu a kai nua sipain (Spain). saka izua kinakaian a sipain nua sepanama tu siaya a kai a sipain nua qadjav a 93% a tjaljatjuruvu a caucau a sepanama. aicu a kai a sipain a kinakaian niamadju. kiniljavaran uta nua mareka a taqaljaqaljan aicu a kai nua amilika i panama. siaya niamadju a kai a drusa izua kai nua sipain katua kai nua amilika ayatua sipacacikel niamadju a sengesengan tua zuma a kuka i tua kacauan. nua qadjav a 14% a caucau izua kinicaquan tua kai a amilika i panama.[2] sa i matjalialiaw kakituluan nua caucau izua sinitulu nua kai a amilika i panama tucu.[3] manasika, maqati a tjatjuruvu a caucau nua sepanama a kiljavaran tua kai a amilika.
pinakitulu a mareka aljak nua pinaka djesui (Jesuits) a kinateveteveljan a kiukay i tua panama katjaisangas tua kacaviljan a 1600. ka patagiljan nua sihu a panama a paljavak tua kinatuluan i kacaviljan a 1903. saka izuanga gaku nua panama a kuka tjaivililj.
