17ویں صدی عیسوی چویتنام دے مل توں پہلاں ایہ شہر پرےنوکور نال کھیمر (کمبوڈیا) دی اہم بندرگاہ سی ۔ سائیگون دے ناں نال ایہہ شہرفرانسیسی ہندچینی چفرانسیسی کالونیکوچن چین داراجگڑھ رہیا تے بعد چ 1955 توں 1975 تک دکھنی ویتنام لوکراج دا راجگڑھ رہیا ۔ 2جولائی 1976ء چ سائیگون نوں نالدےصوبہ گیا دینہ نال رلا دتا گیا تے اسدا سرکاری ناںہو چی منہ دے ناں اتےہوچی منہ شہر رکھ دتا گیا ۔ پر ہجے وی سائیگون ناں بوہت ورتیا جاندا اے[۱]۔
میٹروپولیٹن علاقہ ، جہڑا ہوچی منہ شہر میٹروپولیٹن علاقہ، تھو ڈاؤ موٹ ، ڈائی آن ، بیئن ہوآ تے نالدے فصبےآں اتے مشتمل اے ،اسدی لوک گنتی 90،00،000 توں ودھ اے[۲] ایداں ایہویتنام چ سبتوں سنگھنی لوک گنتی علاقہ بن دا اے[۳] ۔2025 چ شہر دی لوک گنتی دا آنکڑا 1،39،00،000 اے[۴]۔
ہوچی منہ شہر دے تریخ چ وکھرے ویلےآں چ وکھرے ناں سن ، جہڑے ایتھے وسن آلیاں وکھریاں نسلی ، رہتلی تے سیاسی ٹولیاں دسدے نیں ۔ 1690ء دے دہاکے چ ہوئی دے نگویین راجہ نے اکویتنامی نواب نگویین ہوئی کانہہ نوںدریائے میکانگ دے طاس تے دوالے دے علاقےآں ویتنامی انتظامی ڈھانچہ بنان لئی گھلیا ۔شہر تے علاقے دا کنٹرول ویتنامیاں کول آگیا ، جنہاں نے شہر دا ناں گیا ڈنہہ( Gia Định (嘉定) رکھیا ۔ ایہ ناں 1860ء دے دہاکے چفرانسیسی مل ماری تک رہیا ، فرانسیسی مل ماراں نے شہر دا ناں سائیگون رکھیا ۔ 1975ء چ کیمونسٹاں دے دکھنی ویتنام اتے مل مگروں چھیتی ای شہر دا ناں ہوچی منہ کر دتا گیا ، جہڑا اتلے ویتنامی آگوہو چی منہ دے ناں اتے رکھیا گیا سی ۔ اج وی سائیگون ناں دیس چ تے دیس دے باہر ورتیا جاندا اے ۔
شہر دا موسم ٹراپکی اے ،خاص کر ٹراپکی سوانا (گلّا تے سکا موسم) موسم ، 78-82% اوسط نمی نال.[۵] سال دو جدے موسماں چ ونڈیا ہویا اے ، مینہہ دا موسم ، جس چ اوسط سالانہ مینہہ 1800 ملی میٹر وردا اے تے سال چ 150 دے نیڑے مینہہ دے دن ہندے نیں ، عام طور اتے مینہہمئی توںاکتوبر دے اخیر تک وردا اے ۔ سکا موسمدسمبر توںاپریل تک ہندا اے ۔ اوسط درجہ حرارت 28 ڈگری سینٹی گریڈ رہندا اے ، جس چ سال تھوڑا جہا اتار چڑھا ہندا اے ۔ ودھ توں ودھ ریکارڈ درجہ حرارتاپریل چ 40 ڈگری سینٹی گریڈ تے گھٹ توں گھٹجنوری چ 13.8 ڈگری سینٹی گریڈ سی ۔ شہر چسورج دی دھپ سال چ 2،400 توں 2،700 گھینٹے چمکدی اے ۔
ہوچی منہ شہرویت نام دے صوبے برابر میونسپلٹی اے ۔2003ء توں شہر 24 انتظامی حصےآں چ ونڈیا ہویا اے ، جنہاں چوں 5 (رقبہ 1،601 مربع کلومیٹر) دیہی (huyện) نیں ۔ دیہی ضلعے نہا بی ، کان گیو ، ہوک مون ، کو چی تے بنہہ چانہہ نیں ۔ اک دیہی ضلع کومون (Xã) تے ٹاؤن شپ (Thị trấn) اتے مشتمل ہندا اے ۔ باقی ضلعے (رقبہ 494 مربع کلرمیٹر) شہری تے مضافاتی نیں ۔ اینہاں چ ضلع 1 توں ضلع 12 تک تے ٹان بنہہ ، بنہہ تھانہہ ،پھو نہوآن ، تھو ڈوک ، بنہہ ٹان ، ٹان پھو تے گو واپ نیں۔دسمبر 2006 توں شہر دے 259 وارڈ ، 58 کومون تے 5 قصبے (ٹاؤن شپ) نیں ۔
ہو چی منہ شہر پیپلز کمیٹی ،شہر دی اک 13 رکنی ایگزیکٹو کونسل اے ۔ اسدا ہن دا چیئرمینلی ہوآنگ چوآن اے ۔ اس کمیٹی چ کئی وائس چیئرمین تے چیئر وومین ہندیاں نیں ، جہڑے شہر دے مختلف محکمےآں دے ذمہ دار ہندے نیں ۔ شہری حکومت دی لیجسلیٹیو یاں قنّون ساز شاخ نوں پیپلز کونسل آکھیا جاندا اے جس چ 95 ڈیپوٹی یاں رکن ہندے نیں ۔دونے پیپلز کمیٹی تے پیپلز کونسل ، شہر دے کیمونسٹ پارٹی دے ہیٹھ ہندے نیں ، جسدا ہن دا سیکٹری لی تھانہہ ہائی اے ۔ پیپلز کمیٹی دا چیئرمین شہر دی حکومت چ دوجی پوزیشن اتے تے پیپلز کونسل دا چیئرمین تیجی پوزیشن اتے ہندا اے ۔
ضلع 5 چ چائنہ ٹاؤنبیٹیکسکو فنانشل ٹاور توں رات ویلے شہر وکھالا
ہوچی منہ شہر دی 2004ء جنگننا موجب 61،17،251 سی (جنہاں چ 19 اندرونی ضلعےآں چ 51،40،412 لوک تے 5 دیہی ضلعےآں چ 9،76،839 لوک وس رہے سن)[۱۰]۔2007 دے ادھ چ شہر دی لوک گنتی 66،50،942 سی ، جنہاں چ 19 شہری ضلعےآں چ 55،64،975 تے 5 دیہی ضلعےآں چ 10،85،967 لوک رہندے سن ۔2009 دی جنگننا شہر دی لوک گنتی 71،62،864 دسدی اے[۱۱]۔ جہڑی کہویتنام دی کل لوک گنتی دا 8.34% اے اینج ایہ دیس دا سبتوں سنگھنی لوک گنتی علاقہ بندا اے ۔ 2012ء دے اخیر چ شہر دی آبادی 77،50،900 سی ، جہڑا 2011ء توں 3.1% وادھا اے[۱۲]۔ اک انتطامی اکائی دے طور اتے ، صوبائی پدھر تے وی اسدی لوک گنتی سبتوں ودھ اے ۔ لوک گنتی دا 93.52% نسلی طور اتےویتنامی اے ۔ہوچی منہ شہر دی سبتوں وڈی گھٹ گنتی چینی (ہوآ) اے جہڑے کل لوک گنتی دا 5.78% نیں ۔دوجیاں گھٹ گنتیاں کھیمر0.34% تےچام لوک0.1% نیں[۱۳]۔
شہد دے واسیاں نوں عام طور اتے سائیگونیانگریزی چ "Saigonese"فرانسیسی چ "Saigonnais" تے ویتنامی چ"dân Sài Gòn" آکھیا جاندا اے ۔ چینی ہوآ گھٹ گنتی دے لوک چینی بولی دے مختلف لہجے (ہاکا ، کنٹونی وغیرہ) بولدے نیں تے مندارین چینی کجھ لوک ای بولدے نیں ۔انگریزی وی کافی بولی جاندی اے خاص کر سیاحتی تے کاروباری سیکٹر چ غیرملکیاں نال ، اینج انگریزی ایتھے دی دوجی وڈی بولی بن گئی اے ۔ہوچی منہ شہر دے تن وڈے مذہب ماہایانابدھ مت ، تاؤازم تے کنفیوشیئن ازم نیں ، جہڑےکہ اکثر اک ای مندر چ اکٹھے منا لئے جاندے نیں ، ویتنامی تے چینی اینہاں روایتی مذہبی رسماں نوں بوہت مندے نیں ۔ شہر چ رومن کیتھولکسعائی وی کافی گنتی چ (شہر دی لوک گنتی دا 10% دے نیڑے) نیں ۔دوجیاں مذہبی گھٹ گنتیاں چہوا ہوا،کاؤ دائی ، پروٹسٹینٹ ،مسلمان ،ہندو تے بہائی نیں ۔
