ڈہلیا وڈے، کئیرنگاں تے نمونیاں تے سوھنے پھلاں والے سدا بہار جھاڑی دار بوٹیاں دی جنس داناں اے جیہڑیتارہ پھل دے ٹبر وچوں اے۔ اس دےپھل دسمبر توں لے کے اگست تک کھڑدے رھندے نیں تے اکپھل کئی دن کھڑیارہندااے۔اس پھل دااصل دیسمیکسیکو اے ہسپانوی مہم جوؤاں نے 15 ویں صدی وچ اس نوں میکسیکو دے پہاڑی علاقیاں وچ ویکھیا۔میکسیکو دا ایہ قومی پھل اے۔ 1872 وچ اکبوٹامیکسیکو توں نیدرلینڈز پہنچیا تے اس بوٹے نال اس دیاں ہور ونڈاں بنائیاں گئیاں۔ انگریز اس نوں دکھنی ایشیاء لے آئے۔
اس بوٹے دا نام ڈہلیا 18 ویں صدی دے سویڈش بوٹاگرو اینڈرز ڈاہل دے ناں تے رکھیا گیا۔اپنے تیز رنگاں باہجوں ایہ پھلاں دے شقین لوکاں دا پسندیدہ پھل اے۔ ڈہلیا دابوٹا 1فٹ (30 سینٹی میٹر) توں لے کے 8فٹ (240 سینٹی میٹر) تک اچا ہوسکدا اے تے اسدے پھل دا قطر 2انچ (5 سینٹی میٹر) توں لے کے 1 فٹ (30سینٹی میٹر) تک ہو سکدااے
