ChatGPT a l'é un modèl d'inteligensa artifissial creà daOpenAI, basà ansima a l'architetura GPT (Generative Pre-trained Transformer). A l'é progetà për generé dëscors sìmil a col uman an rispondend a dle chestion o a dle richieste an lenga natural. Utilisà ant ël diàlogh, la tradussion, la generassion ëd test, e l'anàlisi ëd dat, ChatGPT a l'ha vist na granda adossion ant ij setor educativ, tecnològich, e comersiał dal moment ëd soa publicassion an version beta ant ël 2022.
Ël dësvlup ëd ChatGPT a l'é partì con jë studi ëd OpenAI, n'organisassion fondà dël 2015. La prima version ëd GPT (GPT-1) a l'é stàita presentà dël 2018, seguità da GPT-2 (2019) e GPT-3 (2020), ch'a l'han dimostrà na capacità sempe pì ampressionanta ëd generé test coerent. ChatGPT, basà ansima a GPT-3.5 e peui GPT-4, a l'é stàit lansà al pùblich ant ël novèmber dël 2022, diventand rapidament famos për soa abilità ëd sosten-e conversassion complesse e risòlve problemàtiche.
