Ël vast teritòri 'd Beuso as treuva ant l'Apenin Lìgure stentrional, a caval antra la val dël torent Lèm e l'àuta val dël torent Gorzent. La porsion meridional dël comun, anté ch'as treuva ëlParch Regional ëd le Caban-e 'd Marcareu a s'ansìnua ant la provinsa 'd Génoa e a riva a disté mach 8 km an linia d'aria dalMar Lìgure.
La cesa parochialLe orìgin ëd Beuso a armonto a l'Età ëd mes: a parte dal 1248 a ven-o dovrà ij topònimBoxius eBuxeus. Fin al sécol ch'a fa XIII a l'era soget a l'autorità dij marchèis ëd Paròd. A l'istessa manera ëd tante comun-e dl'Oltragiov, Beuso a intra ant la sfera d'anfluensa dla Repùblica 'd Génoa e a na segv le sòrt për vàire sécoj. Dël 1409, për Beuso a passo le milissie mersenàrie 'dFassin Can, dël 1469 tùit j'abitant dël pais a devo fé sarament ëd fideltà a Galeass Maria Sfòrsa. Dël 1625 Beuso e ij vilagi davzin a pijo feu për j'atach ëd le trupe sabàude 'd Carl Emanuel I e dij fransèis, ant ël tentativ peui falì ëd conquisté Génoa. Dël 1797 a ven a fé part ëd la Repùblica Lìgure prima e dl'Imperi Fransèis ëdNapoleon Bon-a-part peui. Dël 1815 la Liguria a passa alRegn ëd Sardëgna e dal 1819 al 1859 Beuso a fa part ëd la Provinsa ëd Neuve, sota la Division ëd Génoa e ant ël mandament ëd Gavi. Dal 1859, an séguit a la riorganisassion aministrativa dëlDecret Rattazzi (Lèj n.3702, 23 otóber 1859) a passa ansema a tut ël Circondari ëd Neuve a la Provinsa ëd Lissandria e al Piemont. Ij rest ëd la Benedicta Dël 1944 Beuso a l'é sede ëd n'aveniment tràgich dla Sconda Guèra Mondial: ël Carnagi dla Benedicta. Dòp l'8 dë stèmber 1943, ij mont ch'a sircondo le Caban-e 'd Marcareu a fan da arfugi për vàire renitent a la leva, soldà ch'a l'avìo bandonà l'esércit e partisan antifassista. Doi brigade partisan-e, la Brigada Garibaldi Ligùria e la Brigada autònoma Lissandria as piasso ant l'area dla Benedicta, ch'a l'era stàit un monasté benedetin fondà dël sécol ch'a fa XI e che con l'andé dij sécoj a l'era vnù mach pì un teniment agrìcol. Ai 7 d'avril 1944 dontré repart ëd soldà tëdesch e la Guardia Nassional Republican-a fassista a decido 'd fé un rastelament e a riesso a sircondé ij partisan ch'a l'ero anserajasse ant ël vèj edifissi dla Benedicta. Le vìtime dël prim assàut e dle fusilassion sucesive a son stàite 147. A la fin ëd la guera Beuso, che a livel aministrativ a fasìa part dël comun ëd Paròd, a ven dëstacà e për formé na comun-a autònoma. Ël comun a nass dël 5 ëd mars 1948.
