Për amprende a dovré 'l sistema dle parlà locajch'a varda sì.
Anders Zorn
Pitorsvedèis. Anders Leonard Zorn a l'era nassù aMora ai 18 ëd fërvé dël 1860 e a l'é mòrt-ie ai 22 d'aost dël 1920. Dal 1875 al 1881 a l'ha studià a l'Academia dlë Bele Art aStocòlma, an mudand-se anËspagna e peui anAnghiltèra, andoa a l'ha travajà nomach con la tecnica dël aquarel e an fasend ëd ritrat ëd paesagi. A son ëd costa épocaAn sël Bòsfor (1886) eClapotis (1887).
Ant j'ani dal 1888 al 1896 a l'é mudasse aParis, andoa a l'ha tacà a travajé con la pitura a l'euli an fasend vàire ritrat, comeEfet nuité (1895) eRitrat ëd Coquelin minor (1889).
Ruvà torna a Mora dël 1896, Zorn a l'ha sërcà quaicòsa 'd neuv e l'ha trovalo ant na pitura decorativa con ëd contrast motobin fòrt. (Dansa dla neuit ëd San Gioann, 1897).
Zorn a l'ha chità soe colession e soe euvre a soa sità, Mora, anté che a l'han dedicaje 'n museo.
