50° 17′ 23″ N2° 46′ 51″ E /50.2897222,02.7808333
Aros ch’est unne vilefranchoise, chef-liu istorike et pis aménistratif d’ech Pas-Calés, à ch’keur d’unne région économike ed crasse importanche.
Chef-liu d’ech Pas-Calés, Aros n’est pourtant fauqu’el troisinme vile el pus peuplée d’ech départémint aprés Calés et pis Boulonne. Ale a 41 000 abitants, et pis ale est ch’siège d’el conmunnité d’viles Aros qu’a 108 000 abitants sur 46 conmunnes. Aveuc ches viles d’ech viu bassin minnier au nord, ale est dins ch’cherke d’influinche d’el vile Lile, un cherke qu’i compte 3,8 millons d’gins. El vile Lile ale est à 45 kilomiètes.
Sous chl’Anchien Réginme, Aros ch’étot ch’chef-liu d’el pourvinche Artos, un grand chinte erligieus et pis unne rike chité connute pour ès pourducchon drapière. Innui, ch’est unne grande vile unniversitaire, 33% d’ches gins qu’is y dmeurtte is ont moins d’25 ans.
Aros ch’est auchi unne vile connute pour èsn’arkitecture, in particulier s’béfro, s’chitadièle (is sont inscrit à ch’patrimoinne mondial d’echl’UNESCO) et pis ses deus grandés plaches barokes. Aveuc 225 batimints pourtégés, ale est l’vile aveuc el pus grande dinsité d’monumints in Franche.
.svg)
.jpg)
