E articulo aki ta uzaortografia di Papiamento. Lo aprecia si por mantene e articulo aki na estilo diPapiamento.| Virginia Demetricia | ||
|---|---|---|
| Virginia Demetricia Gaai | ||
| Imagen desea: Virginia Demetricia | ||
| Informacion basico | ||
| Nacemento | 22 desèmber 1842 | |
| Fayecimento | Despues di1867 | |
| Informacion profesional | ||
| Conoci pa | luchado di resistencia, lider di rebelion di catibo | |
| Famia | ||
| Tata | Desconoci | |
| Mama | Maria Theodora Gilina | |
| Yui | 2 | |
| [Edita Wikidata] · [Manual] | ||
Virginia Demetricia (☆22 di december1842 naAruba - † despues di1867) tabata un luchado di resistencia contrasclabitud. Demetricia a nace na Aruba, pero despues di a muda paCorsou, probablemente a fayece eynan.
Demetricia a nace na plantacion Barbolia (awendia conoci comoSan Barbola) na Aruba, como yiu di Maria Theodora[1] Demetricia tabatin seis ruman. No ta conoci ken tabata tata di Virginia. Comopersona esclabisa, Demetricia tabata 'pertenece' na Jan van der Biest, cu tabata doño di binti hende esclabisa na Aruba y tabata traha como administrador riba e isla.
Rond di aña 1860, Demetricia a rebeldia di diferente manera, cu a hiba na contact cu husticia y castigonan. E prome caso di rebeldia tabata ora Demetricia a tuma paña di su meesteres, incluyendo sapato, y a bisti nan. Esaki tabata algo prohibi. Pa hendenan esclabisa tabata prohibi pa bisti sapato. A castiga e acto di rebeldia aki cu un trabou obligatorio den solo pa 14 dia, algo cu riba un isla cayente manera na Aruba ta un tortura riba su mes. Despues di e prome castigo aki, Demetricia a purba diferente biaha di scapa e bida di sclabitud, pero cada bes nan tabata gar'e y pone castigo di cada bes mas dia di labor forsa den solo. Despues di diferente caso asina ki, a cera Demetricia denFort Zoutman pa ocho dia. Despues di esaki a castiga Demetricia atrobe cu diescuater sla cu cabuya. Esaki ta e unico caso conoci di castigo fisico cu Demetricia a haya.
Den un acto notarial data na 1860 ta menciona cu Van der Biest a bende Demetricia na un J.A.Jesserun na Corsou. Despues di esaki, no tin informacion concreto archiva pa sigui e bida di Demetricia.
Despues diabolicion di sclabitud, Demetricia a haya e fam 'Gaai'.
Na 2023Ida Does, escritor y productor di documentario, a publicaVirginia: een Afefe verhaal, un storia pa mucha inspira riba bida di Virginia Demetricia y skirbi naHulandes.[2] Na 2024 a publica na 2 idioma, Papiamento y Hulandes, otro buki di mucha titula ‘Virginia, e rebelde di Aruba’, cu ta skirbi pa Jeroen Hoogerwerf y ilustra paVanessa Paulina.[3]
Probablemente Demetricia a haya un yiu muhe, Jeanette Daña y un yiu homber Marcelino Martis Gaai, aunke no tin hopi fuente archiva pa confirma esaki. Famia di Demetricia cu a keda na Aruba a haya e fam Bikker despues di abolicion di sclabitud.
Referensia
|