Siria, ofisialmenteRepúblika Árabe Sirio (naárabe: سورية sūriyyaħ of سوريا sūriyā) ta un pais naAsia. E tin frontera kuLaman Mediteráneo na wèst,Turkia na nort,Irak na ost i sùitost,Hordania na sùit iLíbano iIsrael na sùitwèst. Parti di Siria, e plano di Golan, a wòrdu aneksá pa Israel. Siria tin un área di 185.180kilometer kuadrá i unpoblashon di 17.064.854 hende (2014). E kapital taDamasco. Otro siudatnan grandi taAleppo, Homs, Hama i Latakia.
E estado sirio moderno a wòrdu establesé despues diGuera Mundial I komo un mandatofranses. El a haña independensia na aprel1946. E periodo despues di independensia tabata tumultuoso i un kantidat grandi di golpi militar i intento di golpi di estado a tuma lugá entre 1949 i 1971. Entre 1958 i 1961, Siria a forma un union kuEgipto, ku a keda terminá pa un golpi militar.
Entre 2000 i 2024,Bashar al-Assad tabata e presidente di Siria, despues di fayesementu di su tata Hafiz al-Assad na 2000. Un lantamentu pasífiko kontra e gobièrnu di Siria a kuminsá den primavera di 2011, ku eventualmente a resultá den un guera sivil ku mas ku 586.000 morto[1] i 5.6 mion hende ku a hui for di e pais.[2][3] Siria ta un miembro di eLiga Árabe, pero a wòrdu suspendé di 16 di novèmber 2011 pa 7 di mei 2023 debí na e guera sivil.[4][5]
Dia 7 di desèmber 2024, presidente Bashar al-Assad a hui pa eksterior, despues ku rebèldenan a tuma kontrol di vários siudat, inkluyendo e kapital Damasco.[6]
.svg)
