Peru (Quechua:Piruw,Aymara:Piruw), oficialmenteRepública del Perú, (na Papiamento:Republica di Peru) ta un pais soberano situa na e parti occidental diSur America. E tin frontera limita cuEcuador parti noord yColombia, parti oost cuBrazil, parti zuid-oost cuBolivia, parti zuid cuChile y parti west cuOceano Pacifico. E tera ta consisti di diferente paisahe: e vayenan, e plateaunan y e puntanan halto di e Sero diAndes cu ta mustra den e parti west den direccion di e costa di desierto y den oost den direccion di Amazona. Peru ta un pais cu un diversidad biologico mas grandi y e recursonan mineral mas grandi na mundo.
EPeru Antiguo tawata un region di civilisacionnan sucesivo desde e binida di Caral-Supe den 3200 prome cu Cristo. EImperio Inca tawata e ultimo estado autoctono of indigena cu a domina un gran parti di west di Sur America densiglo 15. E siguiente siglonan e conkistamento di Peru, despues cu e teritorio a bira como un Vice-reinado di Peru di e Imperio Spaño, enfoca riba explotacion di plata y oro uzando trabao forsa di catibo indigena y Africano den e mina- y cunucunan. Na 1551 e Corona Spaño a funda oficialmente eUniversidad Nacional Mayor de San Marcos na Lima, e prome y mas bieu universidad den eMundo Nobo. EReforma di Bourbon di siglo 18 a conduci na varios lantamento contra autoridad colonial, di cua e exponente mas grandi tawata e rebelionTupac Amaru II.
Cu e ocupacion Frances di Spaña y proclamacion di e Constitucion di 1812, e ideanan di autonomia politico a plama den America Spaño. E independencia di Peru a wordo declara formalmente pa e General, Jose de San Martin, dia 28 di juli 1821 y a wordo determina tres aña despues den eBataya di Ayacucho. E pais a keda den recesion y bou di liderazgo militar te na e boom y decadencia di eEra di Guano, cu a termina poco prome cu eGuera di Pacifico. Den e periodo despues di guera, a introduci un politica oligarkico cu a caba te na fin di siglo diesun. Otro gobierno democratico cu a sigui tawata wordo interumpi continuamente pagolpi di estado.
Na 1986 un dictadura militar socialista a wordo imponi cu a introduci varios reforma nacionalista profundo. Un gobierno democratico y representativo a wordo restaura na 1980, aunke a brota un conflicto arma sangra entre e gruponanterorista maneraSendero Luminoso yMovimiento Revolucionario Tupac Amaru y tambe den e estandonan di sero y e crisis di inflacion na fin di e decada. Un modelo economico neoliberal a wordo implementa den e añanan 90, di cua e fundamentonan ta wordo aplica te dia di djawe. Danki na e modelo economico adopta aki na cuminsamento di siglo 21, Peru a experencia un crecemento economico significante y un reduccion di pobresa.
Peru ta wordo considera un mercado emergente cu un puntuacion halto riba indice di desaroyo humano y un economia di entrado mediano halto. E actividadnan economico importante ta consisti di argicultura, mineria, pesca, construccion y comercio. E cultura Peruano ta diverso como resultado di e mescla di rasa intenso (mestisahe) cu a tuma luga den tempo e di colonia di Peru. Na esaki a bin despues e influencia di migracion di siglo diesnuebe for di Hapon, China y Europa.
Aunke Spaño ta e idioma principal y mas papia, tin un cantidad grandi di Peruano ta papia diferente idioma materno. Esun mas comun taQuechua, cu ta particularmente e dialecto di Sur di Quechua. Riba area di politica, e pais ta organisa como un republica semi-presidencial cu un sistema di multipartidista structura segun eprincipionan di separacion di poder y decentralisacion. E pais ta dividi administrativamente den binticuater region y den e provincia constitucional di Callao.
Prome cu e binida di e conkistadonanSpaño, Peru sucapital tawataCuzco. Entre e conkistamento den 1572 y eindependencia den 1820, Peru tawata dirigi pa e Spañonan. Desde e tempo ey Peru tawata dirigi pa gobierno civil y gobierno militar. Tambe tawata cambia di gobierno dictator ydemocratico.
Entre 1836 y 1839 Peru a forma un confederacion cuBolivia. Di 1864 pa 1866 Peru a ehecuta guera cu Spaña over e islanan-Guano (Isla Ballestas). Na principio,Spaña tawatin e isla ocupa caba, pero Peru no tawata di acuerdo cu esey. Den e guera aki, Peru a gana cu cooperacion di Ecuador, Bolivia y Chile.
Peru cu Bolivia a declara guera contra Chile entre 1879 pa 1883, asina yama Guera di Pacifico. Chili a cay, esta paden di e costa di Peru y a ocupa e desierto, unda tawatin di haya hopi salo precioso. Peru a perde e guera aki y mester a renuncia su dos provincia pa Chile.
Di 1980 pa 1992 e pueblo Peruano tawata encarga bou di accion violento di Movemento di Teror Maoista, Sendero Luminoso, cu e meta pa derota e ordonan existente. E arbitrariedad brutal cu tawata compaña pa cierto treinta mil persona morto y un estimado di 29,5 mil miyon den daño material. E manifestacion di Sendero Luminoso tawata densiglo 20, e mayor obstaculo pa e desaroyo di Peru, hasta e liderazgo den 1992, a wordo hinca den prizon.
Mira tambe e kategoriaPeru diWikimedia Commons pa mas dato mediatiko tokante di e tema aki.
.svg)
