E artíkulo aki ta skirbí naortografia di papiamentu. Lo ta apresiá si por mantené e artíkulo aki na estilo dipapiamentu.
| Pais di nashonalidat | Reino Hulandes  |
|---|---|
| Nòmber di dilanti | Paul |
| Fecha di nasementu | 7 mei 1912 |
| Fecha di fayesimentu | 7 febrüari 1996 |
| Okupashon | antropólogo kultural,mishonario |
| Distinshon | Premio Cola Debrot |
Paul Hubert Frans Brenneker (☆7 di mei1912 na Venlo,Hulanda – †7 di febrüari1996 naWillemstad,Kòrsou) tabata un mishonario,etnólogo iartista plástikohulandes-kurasoleño.
Na 1932 Brenneker a bira miembro di e orden di pader Dominikano i dia 25 di yüli 1937 a ordená komo saserdote. E ta yegaKòrsou na 1939. Di 1940 te 1946 e tabata kopastor di parokia San Bernardo naKralendijk,Boneiru. Despues e tabata pastor naMarigot den e parti franses di eisla di Sint Maarten. Desde 1953 Brenneker tabata konsehero spiritual na Rustoord, e institushon sikiátriko na Kòrsou.[1]
Tabata eynan ku su interes ta krese pa e historia, kultura, tradishonnan i naturalesa di eIslanan ABC. Huntu ku su amigu,poeta,eskritor, artista plástiko i arkeólogoElis Juliana, Brenneker tabata kolekshoná tur sorti di fuente ku tabata disponibel pa registra mas tantu posibel e kultura i historia. Un parti importante di e kolekshon, esta Kolekshon Zíkinza, ta bou di maneho difundashon NAAM (National Archeological and Anthropological Memory Management) na Willemstad. Kolekshon Zíkinza ta referi na mas ku 1400 grabashon oudio di añanan ’50 i ’60 di siglo 20, ku ta kontené kantika, kuenta i rekuerdo di kurasoleñonan di edat mas avansá di e époka ei.
Brenneker ta e kompiladó i publisista di e seri di bukiSambumbu, ku ta un seri di dies tomo (den su forma original) riba e etnología diAruba, Boneiru i Kòrsou. Tambe el a publiká riba e idiomapapiamentu i efolklor di e islanan. Komo artista Brenneker tabata pinta ilustrashonnan ku a wòrdu publiká, entre otro, den e korantAmigoe.
Pa nan trabou pionero riba tereno di herensia kultural, espesialmente pa loke ta trata kompilashon i dokumentashon di informashon i konosimentu di hende grandi, Paul Brenneker, huntu kuElis Juliana, a keda inkluí desde 2020 den e sinkuenta bentana históriko di e asina yamáKanon di Kòrsou.[2]
Brenneker a wòrdu kondekorá komo "Kabayero" (Ridder) denOrden di Oranje-Nassau na 1960.[3] El a risibí ePremio Cola Debrot na 1976 i e premio di e Fondo 'Johan Borgman' na 1992.[4]
Referensia
|