E artíkulo aki ta skirbí naortografia di papiamentu. Lo ta apresiá si por mantené e artíkulo aki na estilo dipapiamentu.
Desde añanan 1970, e bandera di regenbog ta un símbolo di orguyo pa ku e movementunan sosial di LGBT.
Urólogo, Piet Hoebeke, ta papia tokante e diversidat entre hòmber i muhé, i tambe e área shinishi entre homoseksual i heteroseksual, i ta mustra kon hende por deskribí nan propio identidat seksual.
LGBT, ófLGBTQ+, ta un abreviashon ku ta para palesbiana,homoseksual (óf gay, normalmente ta referí na hende hòmber),biseksual,transgénero, iqueer (ófquestioning). E término tambe ta wòrdu usá mas ampliamente pa referí na kualke hende ku no ta kuadra denter di normanan heteroseksual òf cisgénero.
E abreviashon LGBTQ a ekspandé ku tres lèter adishonal, hasiendo esaki LGBTQIAP. E ekspanshon aki a nifiká un rekonosementu di e diversidat denter di identidatnan seksual i di género. Pa hopi tempu, tabata asumí un divishon entre heteroseksualidat i homoseksualidat, sinembargo investigashon ta mustra ku tin variashon entre e kategorianan aki, i tambe entre hòmber i muhé. E lèternan agregá ta para pa:[1]
I (intersex): Un término pa individuonan nasé ku karakterístikanan físiko ku no por wòrdu klasifiká klaramente komo hòmber òf muhé.
A (aseksual): Individuonan ku ta eksperensiá tiki òf ningun atrakshon seksual.
P (panseksual): Pa esnan ku género no ta un faktor determinante den atrakshon romántiko òf seksual.
Tin vários variashon di e abreviashon LGBTQ, un di e formanan mas amplio di kua ta LGBTTTQQIAA. E lèternan aki ta para pa (fuera di LGBT):[1]
T (transeksual) – individuonan ku ta tuma pasonan médiko òf sosial pa kambia nan identidat di género
T (two-spirited, dos-spiritu) – un término denter di algun kultura di Nort Amérika Nativo pa individuonan ku un di tres género
Q (queer) – un término general pa identidatnan seksual i di género diverso
Q (questioning) – hendenan ku ainda ta eksplorá nan identidat di género òf orientashon seksual
I (intersex) – personanan ku karakterístika físiko ku no ta klasifiká klaramente komo hòmber òf muhé
A (aseksual) – individuonan ku ta eksperensiá tiki òf ningun atrakshon seksual
A (aliado) – individuonan heteroseksual i cisgénero ku ta sostené e komunidat LGBTQ
Komo ku identidatnan nobo ta wòrdu rekonosé konstantemente, e abreviashon LGBTQ+ tambe ta wòrdu usá hopi biaha. E "+" ta simbolisá inklusividat i espasio pa otro identidatnan. Aunke e lista aki ta kubri hopi término, e no ta nifiká ku tur hende lo identifiká ku un di e kategorianan aki. Identidat ta personal i tur hende ta liber pa identifiká nan mes na un manera ku ta kumbiní nan.
