Google LLC ta un compania publico multinacional di tecnologia di informacion, conoci principalmente pa su mashin di busca (Ingles:search engine), plataforma di cloud computing, producto di software, aparatonan tecnologico y sistema di propaganda digital. Google a wordo funda door di Larry Page y Sergey Brin durante nan estudio naStanford University naCalifornia.
E compania ta subsidiario di Alphabet Inc., cu a wordo forma na october 2015 despues di un reorganisacion corporativo grandi.
E sede prinsipal di Google ta Googleplex, un compleho grandi na Mountain View, California, den Silicon Valley. Google tin mas ku 190.000 trahado mundialmente (2023). Nan ta traha den mas cu 50 pais, cu oficinanan den continente Europeo, Asiatico, Latino-Americano y den Caribe.
Google a cuminsa como un proyecto di investigacion na Stanford University na 1996. Page y Brin a desaroyá un algoritmo nobo pa clasifica paginanan di web, cu nan yama PageRank. Den 1998 nan a registra Google como compania, y pronto e mashin di buska a bira un di e mas uza den mundo.
For di 19 di augustus 2004 e compania ta anota riba e bolsa di Wall Street. E momento ey a marca un crecemento financiero grandi, permitiendo cu e compania por inverti den diferente producto y servicio.
.jpg)
