E articulo aki ta uzaortografia di Papiamento. Lo aprecia si por mantene e articulo aki na estilo diPapiamento.
Arte
Den sentido di tempo for di robes ariba: auto-portret paVincent van Gogh; un figura di antepasado femenino di un artista Chokwe; detaye diNacimento di Venus paSandro Botticelli; y un leon Shisa di Okinawa
Arte ta abarca un rango amplio di actividadnan humano cu ta uza imaginacion creativo pa transmiti abilidad tecnico, beyesa, profundidad emocional, of ideanan di consepto. No tin un definicion universalmente acepta di arte, ya cu su nificacion y alcance a evoluciona den transcurso di tempo.
Tradicionalmente, e tres ramonan clasico diarte visual tapintura,escultura yarkitectura. Un definicion mas amplio ta inclui artenan di podium manerateatro ybaile, huntu culiteratura,musica,pelicula y medionan interactivo. Te cusiglo 17,arte tabata referi na cualke abilidad of dominio, sin distincion for di artesania ofsiensia. Sinembargo, for di siglo 17, arte a wordo asocia principalmente cu expresion estetico, distinguiendo e artenan di abilidadnan general, inkluyendoartenan decorativo yaplica.
E estudio di arte su naturalesa, creatividad y interpretacion ta wordo explora den e campofilosofico di estetica. Obranan di arte mes ta wordo analisa denter di e disciplinanan profeshonal dicritica di arte yhistoria di arte.
Historicamente, obranan artistico a sisti pa casi mesun tanto tempo cu hende humano, for diarte prehistorico tearte contemporaneo. Sinembargo, algun ta kere cu e concepto moderno diobranan artistico no ta aplica pafo di sociedatnan moderno occidental. Definicion tempran di arte tabata mara na e palabra Latin cu ta nifica "habilidad" of "artesania", manera por mira den palabranan manere "artefacto" y "artesano".
Boter disiglo 20 di pueblo Twa,Ruanda. Obranan artistico por sirbi funcion practico, ademas di nan balor decorativo.
Cu tempo, filosofonan maneraPlaton,Aristoteles y Kant a debata tocante e nificacion di arte. Platon a papia tocante arte den obranan maneraIon yRepublica, caminda el a elogia y criticapoesia. Aristoteles tabata mira arte como imitacion, cu diferente forma, manera musica, baile y poesia, imitando bida door varios metodo. Por ehempel, comedia ta presenta hende pio cu normal, mientras cu tragedia ta presenta nan un poko mas miho.
E sentido moderno di arte, enfoka riba creatividad y estetica, a surgi den siglo 17. Arte fini ta referei na abilidatnan cu ta wordo uza pa expresa creatividad, lanta emocion, of inspira pensamento. Arte por inclui un (1) estudio di abilidadnan creativo, e (2) proceso di creacion, e (3) producto final, of e (4) experencia di e publico.
Ta bisa cu arte ta un producto of articulo cu ta haci e intencion pa stimula e sentidonan humano, manera e mente humano y tambe spirito. Un trabou di arte ta normalmente husga door con hopi ta impresiona hende, e cantidad di hende cu por relata cu ne y con hopi hende ta apreci'e. E prome y mas amplio sentido di arte kemen 'aregla' of 'haci'. Den e sentido aki, arte ta crea ora un hende ta haci cos haya den mundo y ta diseñ'e nobo of form'e of ta crea colo hunto cu otro den un cuadro pa haci un imagen of simplemente pa haci un diseño bunita of un diseño interesante.
Arte tambe por wordo crea door di expresiona un emocion. E artista por sinti cierto emocion y ta sinti cu no tin otro manera pa expres'e door di crea algo significante p'e. En realidad mayoria di e creacionnan artistico ta pa e artista mes na luga pa e publico. Aunke si e publico ta conecta c'e emocion tambe, or'ey e obra di arte ta bira un exito publicamente.
Un cocolishi graba of imprimi paHomo erectus, naJava, a wordo data entre 430.000 y 540.000 aña pasa, haciendo esaki un di e prome ehempelnan conoci di arte.[1] Similarmente, un asamblea di huña di aguila (Haliaeetus albicilla), mas o menos 130.000 aña bieu, ta carga marcanan di cortamento y schaafmento cu ta sugeri cu neandertalnan (Homo neanderthalensis) por a manipula nan pa a crea joya. NaSur Africa, a descubri cocolishi di soldachi bora-chikito, mas o menos 75.000 aña bieu, loke ta insinua practicanan decorativo of simbclico di antes. Tambe a haya bakinan cu posiblemente tabata wordo uza pa warda verf, cu ta data te cu 100.000 aña pasa.
E piesa di arte mas bieu conoci naEuropa ta for di e cueba di Einhornhöhle ("Unicornio") naAlemania, un wesu di bina gigante graba y manipula traha pa neandertalnan alrededor di 51.000 aña pasa.
For di e periodopaleolitico superior (e delasto division di periodopaleolitico, of edad di piedra), cual ta data di mas o menos 40.000 aña pasa, arkeologonan a descubri escultura, pintura di cueba, pintura di piedra y petroglifo. Sinembargo, e nificacion exacto di e obranan aki ta keda insigur, ya cu poco ta conoci tocante e culturanan cu a krea nan.
Cocolishi graba of imprimi cu marcanan geometrico for di Java
Joya prehistorico proponi for di sitio Krapina di neandertal naCroasia
Cralchi di cocolishi for di cueba Blombos na Sur Africa
Weso di bina decora for di cueba di Einhornhöhle na Alemania
Figura diLöwenmensch ("Homber leon"),Alemania, entre 35.000 y 41.000 aña bieu.
Hopi tradicion artistico importante tin nan origen den e gran civilisacionnan antiguo, incluyendo Egipto Antiguo, Mesopotamia, Persia,India,China, Gresia Antiguo,Roma, y e culturanan Inca, Maya y Olmeko. Cada un di e civilisacionnan aki a desaroya un estilo artistico distincto. Debi na nan tamaño y duracion, hopi di nan obra di arte a keda conserva, plamando nan influensia den cultura y periodonan historico. Algun tambe a laga registronan di tecnica y metodonan artistico. Pues, arte Griego di e periodo aki a enfoca riba e forma humano idealisa y a mustra avancenan den describi musculatura, postura, beyesa y proporcionnan anatomicamente corecto.
Den arte Bizantino y Edad Medio Occidental, gran parti di e obranan di arte tabatin enfoke riba temanan biblico y religioso. Hopi biaha e obranan aki tabatin como meta pa transmiti e gloria divino di un reino celestial, usando elementonan estilistico, manera fondo di oro den pintura y glas den mosaik of bentana. Figuranan tabata wordo presenta tipicamente den formanan idealisa, plat y cu patronchi. Sinembargo, un tradicion realista clasico a persisti den obranan di arte Bizantino chikito, y realismo gradualmente a bira mas prominente den arte Europeo catolico.
Arte di Renacemento a pone un enfasis mucho mas grandi riba describi e mundo material y e luga di humanidad den dje. Esaki a keda refleha den e representacion detaya di e curpa humano y e desaroyo di un metodo sistematico di perspectiva grafico, cu a crea e ilucion di profundidad den un espacio tridimencional.
Un copia diDoryphoros di Polykleitos, di periodo Romano. Medio: marmer.
Mosaik di Theodora den Basilica di San Vitale, consagra 547 d.C. na Italia. Material: Oro, glas y marmer.[2]
Jan van Eyck,Potret di Giovanni Arnolfini y su casa (1434)[3]
Den Oriente, arte Islamico, cu su rechaso di iconografia, a enfatisa patronchi geometrico, caligrafia y arkitektura. Mas oost, religion tambe a hunga un rol dominante den formacion di estilo y formanan artisticoo. Na India y Tibet, esculturanan pinta y baile tabata central pa exprecion artistico, mientras cu pintura religioso a fia hopi elemento for di escultura, caracterisa pa color briyante, contrasta, y cu silueta fuerte.China a mira e floresemento di varios forma di arte, incluyendo cortamento di jade, obra di brons, ceramica (notablemente eEhercito di Teracota di Emperador Qin), poesia, caligrafia, musica, pintura, drama y ficcion. Estilonan artistico Chines a varia significantemente den diferente dinastia, di cua cada un a duna su nomber na e arte caracteristico di e periodo. Por ehempel, pinturanan di dinastia Tang tabata monocromatico y scars, enfoca riba paisahenan idealisa, mientras cu pinturanan di dinastia Ming tabata mas detaya y colorido, enfatisando contamento di historia a base di composicion y medio ambiente.
Folio di "Coran Blauw" (siglo 9–siglo 10). Medio: oro y plata riba percament tiña indigo
Un Deidad Spantoso den Yab-Yum (siglo 19), pintura di Tibet of noordwest di Nepal. Medio: pigmento di mineral riba tela di catuna.
E Grandesa di Seru Lu pa Shen Zhou na dinastia Ming (1467). Medio: papel colga cu inkt y color.
Den Occidente, e Era di Iluminacion den siglo 18 a conduci na descripcionnan artistico di un universo raciona y mecanico, tambe temanan politicamente revolucionario. Ehempelnan ta inclui e portretNewton di William Blake como un geometrico divino, y e pinturanan propogandista di Jacques-Louis David. E era aki a duna luga naromanticismo, cu a rechasa racionalismo na fabor di emocion y individualidad.
Pa fin di siglo 19, un variedad di movemento artistico a surgi, incluyendo arte academico,simbolismo,impresionismo, y fauvismo, cada un ta ofrece interpretacionnan nobo di exprecion artistico.
Newton (1795–1805) pa William Blake. Material: imprenta na color cu pen, inkt y aquarel
Pintura historico,E Morto di Marat (1793) pa Jacques-Louis David. Medio: zeta riba lona.
Arte a sirbi varios proposito, historicamente, cual ta hacie dificil pa defini su proposito cu un solo consepto. Esaki no ta nifica cu e proposito di arte no ta cla, e ta simplemente refleha e variedad di motibo pakico arte a wordo crea. E propositonan aki por wordo categorisa, principalmente, den dos tipo: propositonanno-motiva ymotiva.
E propositonan no-motiva di arte ta esnan cu ta esencial pa naturalesa humano, ta transcende necesidadnan individual, of no ta sirbi un proposito externo, practico. Arte, como un exprecion di creatividad, ta unico y humano (ningun otroespecie ta crea arte) y ta existi pafo di probecho y utilidad.
Instinto humano basico pa harmonia, balansa y ritmo. Den su ser, arte ta refleha un aprecio interno pa balansa, harmonia y beyesa; calidadnan cu ta pafo di necesidadnan practico. E no ta djis un accion of obheto pero un aspecto fundamental di ta humano.
Experencia di e misterioso. Arte ta ofrece un manera pa conecta cu e misterio di existencia y un hende su luga denuniverso. E coneccion aki hopi biaha ta surgi spontaneamente ora un hende ta envolvi cu arte, musica of poesia.
Expresion di imaginacion. Arte ta permiti expresion di imaginacion den maneranan cu ta bai mas aleu cu e structura diidioma papia of skirbi. Al contrario, na palabranan cu ta sigui secuencia y tin nificacionnan fiho, arte ta usa forma, simbolo y ideanan cu interpretacion fluidez.
Funcion ritual y simbolico. Den hopicultura, arte ta hunga un rol den ritual, presentacion y bailenan, hopi biaha como decoracion of un representacion simbolico. Mientras cu esakinan no por tin un proposito util directo, nan ta contene un nificacion profundo denter di e cultura. E nificacion aki ta wordo forma durante generacionnan, reflehando e cosmologia y tradicionnan di e cultura.
Metanan motiva di arte ta ensera accionnan delibera yconsciente di e artista of creado. E propositonan aki por inclui promove cambio politico, comenta riba asuntunan social, expresaemocionnan of estado di ánimo specifico, explorapsicologia personal, ilustra otro terenonan di conosemento, bende un producto (den arte comercial), of sirbi como un forma di comunicacion.
Comunicacion. Den su ser, arte ta un forma di comunicacion. Mescos cu mayoria forma di comunicacion, hopi biaha e tin un proposito of intenshon dirigi na otronan, haciendo esaki un accion motiva. Arte ilustrativo, manera ilustracion cientifico, ta sirbi como herment pa comunicacion, manera un mapa geografico. Sinembargo, e contenido di arte no mester ta cientifico, e por transmiti tambe emocion, estado di animo y sintimentonan.
Arte como entretenimento. Arte por tin como meta pa yama emocion of estadonan di animo specifico pa relaha of entretene su publico. Esaki ta un funcion principal di industrianan manera pelicula y weganan electronico.
E vanguardia: arte pa cambio politico. Un caracteristica di arte di cuminsamento di siglo 20 tabata su uzo di imagennan visual pa inspira cambio politico. Movementonan manera Dadaismo, Surrealismo, Constructivismo Ruso, y Exprecionismo Abstracto colectivamente a forma e artenan di vanguardia.
Arte como un "zona liber". Al contrario di vanguardia, cu a buska pa elimina diferencianan cultural pa crea balornan universal, arte contemporaneo ta celebra diversidad cultural mientras e ta cumpli cu rolnan critico, manera investigacion social, activismo, y subversion. El a bira un plataforma pa experimentacion y investigacion.
Arte pa propaganda of comercialismo. Arte pa hopi tempo tabata un herment pa propaganda, formando sutilmente percepcion y emocionnan publico. Den e mesun forma, arte comercial diseñá pa influencia consumidonan, guiando sutilmente nan respons na un producto of idea.
.jpg)
.jpg)
.jpg)
_-_The_Last_Supper_(1495-1498).jpg)
