Ingítik métung yangdabbling duck a mayayákit king dáke dang temperate ampóng subtropical ning Pangúlu ampóng Mauling America, Eurasia, ampóng Pangúlung Africa. Mídalá ya king New Zealand, Australia, Peru, Brazil, Uruguay, Argentina, Chile, Colombia, Falkland Islands, ampóng South Africa. Kayábé la kingsubfamilyAnatinae ning familiaAnatidae. Bérdí la buntuk déng láláki, kábang pákatuldik lang kulul sucláti bulbul déng bábái. Paréu lang maki dákéng matuling,culul úbi, azul / iróng makapadúrut maputî king pakpak a mayayáusspeculum. Maralas, azul la speculum déng láláki. Maki kábá yang 50–65 cm ing ítik, nung nú adwá yang katlú ning kábâ ing kayang kayang katáwan. Ing kábá ning kayang pakpak 81–98 cm at ing tuktuk na 4.4 anggang 6.1 cm ya kábâ. Maralas, mas mabáyat ya késá karéng áliwang dabbling ducks, at maki báyat yang 0.7–1.6 kg. Mabibié ya karéng danúman at mámangan yang tanáman king danum ampóng mangálating animal. Mayayákit yang mákilúpung kareng áliwang ítik.
Mángébun yang walu anggang labing atlung ébun a maki kúléng cremang maputî anggang mamérdi mérding maputlang culul sucláting diló bálang kawang aldó. Miyapsá la réng ébun kilub ning 27 anggang 28 aldó at at mákásulápó nó réng malutub kilubg ning 50 anggang 60 aldó. Mákákawé nó réng malutub kayapsá ra.
Tutúring néngspecies of least concern ningInternational Union for Conservation of Nature (IUCN) ing ítik. Tutúring dónginvasive species karéng áliwang lugal déng ítik. Malagwá yang mákibágé karéng miyáyaliwang lugal, at ákukwá nang dákal karéng lugal a urbanisádu. Non-migratory la réng ítik at mákisámut ya at mikakayanak karéng katutúbung bíbing líli (wild) a malápit nang kamagának, at malilári inggenetic pollution kapamílatán da réng ának da karéting é baug at malyáring magparakal. Úli na níti, misasamutánan la at magisan déng dakal a áyup a mánuknángan karéng danúman. Déng ítik ing péníbatan da réng kéraklan karéng clasi da réng matunud ó domésticung bíbi.
