Mitátag ya kanitang kalampitung (17th) dilanua o siglu ing lakanbalen kapamilatan da reng talasakup ibat Britania. Ing Britania ing peparagul kaniti ba yang maging manimunang sentrungurban ampong basing pang ukbung dayatmalat (naval base). Aniang kaduang pulung dilanua, megi neng maulagang sentru ning pamanibala, antimong tungku/capitoliu ningMadras Presidency.
Maleparan ya basing pang-industria ing economia ning Chennai kareng saken, tecnologia, pamangawanghardware (piesang bibilug kingcomputer) ampong industria ning pamaningat king kabulasan (healthcare industries). Lipat ning kilala re antimo ing kaduang pekamaragul a magpalual software,IT among serbisiung gagamit king IT (ITES), kaibat ningBangalore, ing lakanbalen a iti murin ing karinan ning industria ning pamangawang saken o cochi king India.[2][3] Miraras king 39 porsientu ning GDP ning Estadu ing yambag ning Chennai Zone. Ibat king Chennai ing 60 porsientu da reng papalual nang saken ning India, at neng kai, ausan deng "the Detroit of India".[4][5][6]
King Chennai de gagawan ing metung a ocasiun a pangcultura, ingMadras Music Season, a mararapat banua-banua. Lalage la keti deng pilan-dalang artista. Masikan ing teatru keting lakanbalen, a metung muring maulagang sentru ningBharatanatyam, metung a pang-clasicung uri ning terak. Makabasi ya keti ing industria da reng peliculangTamil (amanu), a ausan dangKollywood. Deng pekasikat a tigtigan keti ila pin dengsoundtrack da reng peliculang Tamil. Maki prublema ya king kakulangan king danum, trapiku ampong polusiun ning angin ing lakanbalen.
