Lateologia (del grèc: θεος,theos, "Dieu"; λογος,logos, "estudi")[1] es una disciplina que s'ocupa de l'estudi de Dieu, e per extension s'aplica a las religions. Lo tèrme foguèt utilizat pel primièr còp ambPlaton.
Dins lasreligionsmonoteïstas subretot, es considerada coma la sciéncia de la Revelacion, fondada sus l'estudi dels tèxtes religiós, lor interpretacion, dins la tòca d'esclairar lo cresènt o lo fidèl sul biais d'agir o de creire segon sa religion.
De fach, dins un sens pus estricte, se pòt pas parlar de teologia que per la fin del paganisme , lo cristianisme occidental e l'ortodoxia, pr'amor qu'es lo produch de l'encontra entre la filosofia antica e la religion. Existèt a la talvera una vertadièra teologiamusulmana e joseva, al sens d'una encontra entre las doctrinas d'aquelas religions e la filosofia (antica) mas la via foguèt lèu copada; se per teologia se pensa tota dicha sus dieu(s) e la religion alavetz lo concèpte ven mai leugièr, los mites e la sciéncia de las religions son de teologia.
- ↑Assmann, Jan (1995). Egyptian Solar Religion in the New Kingdom. Re, Amun and the Crisis of Polytheism. Routledge, p. xi.
