Vista satellita de Tèrranòva.bandèra istorica de Tèrranòva
Tèrranòva[1](varTèrranuòva,Tèrranava; enanglés:Newfoundland; enmicmac:Taqamkuk; engaelic escocés:Talamh en Eisc) es una illa de l'oèst de l'Ocean Atlantic, situada davant las còstas del nord-èst de l'America del Nòrd. Fa partit del territòri de la província canadenca deTèrranòva e Labrador; la capitala de la província, Saint-Jean, se trapa sus l'extremitat èst de l'illa, lo punt pus oriental de l'America del Nòrd. Lo territòri venguèt província canadenca en 1949.
L'estrech de Belle Isle la separa de la peninsula deLabrador. A una superfícia de111 390km2. La majoritat de la populacion se concentra dins lapeninsula d'Avalon. LoCap Spear de Tèrranòva es lo punt mai a l'èst de Canadà e de tota l'America del Nòrd.
DinsL'Anse aux Meadows (al nòrd de l'illa) i a de rèstas arqueologicas d'un possible establimentviking. Benlèu correspondon a laVinland («Tèrra del Vin») citada per laSaga deLeif Eriksson.
Mapa de Tèrranòva per James Cook
Abans la colonizacion europèa èra poblada d’amerindians (micmacs e innos) emai, al Nòrd, d'inuits.
Foguèt nomenadaTerra Nova per l'italianGiovanni Caboto en 1497.
Primièr partejada entre Anglatèrra (colonia de Tèrranòva) e França (colonia de Plasença), foguèt reünificada jos la dominacion anglesa al començament del s. XVIII (levatSant Pèire e Miquelon que demorèron francés). Colonia de la corona britanica, amb lo litoral nord-oriental de Labrador, aguèt un govèrn local a partir de1854. Venguèt en 1907 un domini de la corona, e participèt aital a las doas guèrras mondialas.
Foguèt unida aCanadà en1949 jol nom de província de Tèrranòva. En2001, la província prenguèt oficialament lo nom deTèrranòva e Labrador. La capitala provinciala,St. John's es situada al sud-èst de l'illa.
