LoReiaume de Kaffa èra unestat ancian situat dins lo sud-oèst de l'Etiopia actuala. Apareguèt vèrs la fin de l'Edat Mejana (vèrs1390 segon la tradicion) e demorèt independent fins a sa conquista per l'Empèri Etiopian en1897.
Segon la tradicion orala, la creacion dau reiaume foguèt l'òbra dau rèiMingo vèrs1390 que fondèt pereu una dinastia establa de 32 sobeirans. Pasmens, lo nom de la màger part d'aquelei rèis es totalament desconegut e son existéncia es pas demostrada. La premiera traça istorica dau Reiaume de Kaffa data de la segonda mitat dau sègle XVI quand lo negusSarsa Dengel (1550-1597) assaièt de locrestianizar. Obtenguèt quauquei succès ambé la bastida d'una glèisa dins la capitala mai lei dificultats etiopianas dau sègle XVII entraïnèt l'aplant e la revirada dau projècte[1].
Durant lo rèine deGali Ginocho (1675-1710), Kaffa acomencèt una politica d'annexion dei pichons reiaumes vesins que foguèt perseguida per sei successors.Tato Shagi Sherocho (1775-1795) establiguèt lafrontier sud lòng dau riuOmo e lo Reiaume agantèt son apogèu territòri sotaHoti Gaocho (1798-1821). Pasmens, la poissança dau Reiaume de Kaffa demorava limitada a respèct d'aquela d'Etiopia e poguèt pas resistir a l'invasion etiopiana de1897. La captura de son darrier rèi,Gaki Sherocho (1890-1897), lo 11 de setembre marquèt la fin de son independéncia après quauquei mes de combats.
Après la conquista, la region conoguèt un declin important dins lo corrent dau rèine dau negusIyasu V (1913-1916). En1942, venguèt la basa de la província de Kaffa avans d'èsser integrada dins laRegion dei nacions, nacionalitats e pòbles dau Sud en1995.