Lomercantilisme es un corrent de pensada economica contemporanèu de lacolonizacion d'America e de l'apogèu deimonarquiasabsoludaseuropèas. Predominèt mai que mai entre lei sègles XVI e XVIII e aguèt una influéncia importanta sus la construccion de l'Estat modèrne. Leis idèas economicas de laRevolucion Industriala, en particular loliberalisme d'Adam Smith, entraïnèron son abandon a la fin dau sègle XVIII.
Lo mercantilisme es pas un sistèma teoric omogenèu e lo tèrme foguèt imaginat e popularizat per sei destractaires de laRevolucion Industriala. Lo ponch comun de sei variantas èra l'idèa que l'acumulacion demetaus preciós per unEstat èra la basa de sa prosperitat e de sa poissança. En consequéncia, èra necessari de protegir leis activitats nacionalas per mantenir unabalança comerciala excedentària e limitar lei sortidas de metaus preciós en defòra dau país. A partir d'aquelei dos principis, tres corrents mercantilistas principaus pòdon èsser destriats :
lo « bullionisme »espanhòu que conselhava l'importacion de quantitats importantas d'aur e d'argent a partir deicoloniasamericanas e la mesa en plaça de mesuras per empachar lor sortida.
lo « comercialisme »britanic eolandés que considerava locomèrci internacionau coma la fònt vertadiera de la richessa gràcias a la venda de servicis (transpòrt maritima, escòrta militara, etc.) e a la mesa en plaça de barrieras doanieras. Dins aqueu sistèma, l'industria èra pas negligida, mai ocupava una posicion segonda de mejan au servici de l'activitat comerciala.
« l'industrialisme »francés preconiza un renforçament dau contraròtle de l'Estat sus la produccion industriala per ne'n melhorar laqualitat e la quantitat en vista de desvolopar leisexportacions. L'idèa generala èra d'importar dematèrias premieras e d'exportar deproduchs manufacturats. De limits estrictes regardant l'exportacion dei matèrias premieras completavan lo sistèma. Locolbertisme, sovent citat coma l'exemple pus caracteristic dei teorias mercantilistas es una forma d'industrialisme.
Lo mercantilisme foguèt fòrça criticat per lei premiers pensairesliberaus. Aquò entraïnèt son declin rapid auReiaume Unit qu'encoratjèt loliure escambi durant lo sègle XIX. L'abandon foguèt pus progressiu enFrança mentre que la pensada mercantilista demorèt influenta enAlemanha fins a la fin dau sègle XIX. Disparegut durant la màger part dau sègle XX, lo mercantilisme foguèt en partida reabilitat a la fin dau sègle XX amb l'emergéncia de politicas economicas, qualificadas de « neomercantilistas », basadas sus d'exportacions agressivas e de proteccion doanieras importantas.
