Laguèrra totala es un concèpte que designa un conflicte que mobiliza totei lei ressorsas disponiblas d'un Estat (fòrças armadas, populacion, economia, politica, justícia,propaganda...). Aquò necessitèt generalament l'instauracion d'una gestion centralizada e autoritària tant dei questions militaras que civilas. Una tala organizacion es donc limitada a de conflictes majors qu'engatjan la subrevida d'un estat ò d'una nacion (guèrras mondialas, guèrras d'independéncia... etc.).
D'un biais paradoxau, en despiech dei destruccions majoras que pòdon entraïnar, lei guèrras totalas son de còps a l'origina d'avançadas socialas importantas car permèton a de classas socialas marginalizadas de participar totalament a l'esfòrç de guèrra. Per exemple, foguèt lo cas enFrança dei doas guèrras mondialas que permetèron ai fremas d'obtenir lei meteis drechs politics que leis òmes.
