Logovèrn (var.govern;[1] engrèc ancian: κυβερνάω, kybernáō) es l'institucion d'unEstat encargada delpoder executiu. Los membres d'un govèrn son generalament designats jos lo nom de «ministre» o «secretari d'Estat», plaçat jos l'autoritat d'un «Cap de govèrn». Lo govèrn decidís e entrepren las accions necessàrias per conduire de l'Estat. Es responsable davant los ciutadans.
Politicament, dins unregim parlamentari, lo govèrn parteja lopoder executiu amb lo cap de l'Estat que pòt èsser unmonarca (coma enEspanha e alReialme Unit) o un president elegit alsufragi universal dirècte (coma enFrança) o indirècte. Es responsable davant loParlament dins unregim parlamentari o semipresidencial.
Un govèrn se constituís generalament, jos l'autoritat d'un Cap de govèrn, que pòt èsser nomenatPrimièr ministre (coma en França), President del Conselh (coma en Itàlia e en França jos la IIIa e la IVa Republica), o encara Cancelièr (coma en Alemanha), e deministres. Es responsable politicament davant loparlament dins un regim de tipeparlamentari. Cada ministre es titular d'un pòrtafuèlha ministerial. Los ministres son solidaris e lo govèrn es doncas un organ collegial. La demission del cap del govèrn entraina aquela de tot lo govèrn.
Dins unregim presidencial (coma alsEstats Units d'America), lo govèrn se plaça jos l'autoritat dirècta d'un cap de l'Estat e es pas responsable davant loParlament. Los ministres compausant lo govèrn son individualament responsables davant lo cap de l'Estat; s'agís doncas pas d'un organ collegial.
Dins un sens larg, lo govèrn designa l'ensemble dels poders publics constitucionals, es de dire de las institucions centralas previstas par laConstitucion e dispausant del poder politic. Par exemple per la França, lo govèrn de la Cinquen Republica francesa se constituís del president de la Republica, del govèrnstricto sensu, del Parlament e del Conselh Constitucional. Es dins aquel sens del tèrme degovèrn que se pòt dire qu'un Estat se compausa d'un territòri, d'una populacion e d'un govèrn. Es tanben dins aquel sens que lo «mode de govèrn» designa lo regim politic d'un Estat.
- ↑«Gouvernement» (en francés).Multidiccionari Occitan Dicodòc.Congrès permanent de la lenga occitana.
