Labatalha dau Dodger Bank se debanèt lo 24 de genier de1915 durant laPremiera Guèrra Mondiala. Foguèt lo resultat de la descubèrta d'una incursionalemanda en preparacion còntra lei pòrts de l'èst d'Anglatèrra per lei servicis d'entresenha britanics[1]. L'esquadra alemanda, comandada per l'amirauFranz von Hipper, èra compausada de 3crosaires de batalha, d'un crosaire cuirassat, de 4crosaires leugiers e de 18torpilhaires. Foguèt interceptada per una fòrça britanica, menada per l'amirauDavid Beatty, qu'alinhava 5crosaires de batalha, 7 crosaires leugiers e 35destroièrs. La batalha aguèt luòc dins la region dauDogger Bank, un important banc de sabla de lamar dau Nòrd.
Leis Alemands foguèron susprés per l'arribada deinaviris britanics evon Hipper ordonèt rapidament la retirada. Pasmens, lei Britanics avián mobilizat de naviris rapids que poguèron perseguir lei fugidors e tirar plusorsobús. Capitèron de tocar plusors naviris e lo crosaireSMS Blücher foguèt grèvament tocat e abandonat. En dificultat, l'esquadra alemanda poguèt unicament s'enfugir gràcias a una error dins lei transmissions britanicas. En despiech d'aquela revirada finala, laRoyal Navy enregistrèt una victòria importanta amb solament dos naviris damatjats e 47 marins tuats ò bleçats. Dins lo camp alemand, lei pèrdas èran pus grèvas amb la pèrda d'un crosaire e de 1 223 marins[2].
La batalha entraïnèt una pausa dins leis incursions de la flòta alemanda enmar dau Nòrd. Mostrèt tanben divèrsei feblessas dei marinas militaras dau periòde. Per exemple, l'artilhariá britanica tirèt 958 còps, mai solament 73 obús toquèron un naviri enemic. De mai, la comunicacion deis òrdres èra pauc eficaça e pas totjorn clara, çò que permetèt la fugida alemanda. Dins la marina alemanda, unincendi grèu tuèt 159 marins sus lo crosaireSMS Seydlitz. L'enquista menèt a l'adopcion de règlas de seguretat novèlas qu'aguèron d'efiechs decisius a labatalha de Jutlàndia.