L'AMX-13 es uncarri leugier francés produch entre1953 e1985. 7 700 unitats foguèron construchas que 3 400 èran destinadas a l’exportacion. De mai, divèrsei veïculs militars utilizèron d’elements d’aqueu blindat coma lo veïcul de transpòrt de tropasAMX-13 VCI o de canons mobils de 105 o 155 mm.
Desvolopat per l’Atelier de Construction d’Issy-les-Moulineaux a partir de1946, l’AMX-13 foguèt comandat per lo premier còp en1949 mai l’experimentacion s’acabèt solament en1955. Per l’armada francesa, l’objectiu èra d’aver un carri aisament construch e capable de s’opausar aiT-34/85 dei fòrçassovieticas.
L’armament principau es donc compausat d’uncanon de 75 mm desvolopat a partir d’aqueu dau carri alemandPanther e capable de tirar rapidament 12 obús sensa recargar. Entre1964-1965, aqueu canon foguè completat per quatre missils anti-carriSS-11 situats a l’entorn dau tube de 75 mm. Enfin, egalament dins leis annadas 1960, lo canon de 75 foguèt remplaçat per un canon pus poderós de 90 mm.
Utilizat per França fins aisans 1980, aqueu carri es totjorn en servici au sègle XXI per divèrsei país comaSingapor. Lei veïculs indians e israelians participèron a divèrsei combats durant lei guèrras deis annadas 1960 onte lo carri foguèt utilizats en fàcia de carris de combat principau fòrça pus protegits coma lo Centurion britanic, lo Patton estatsunidenc e loT-55 sovietic. I obtenguèt de resultats corrècts, especialament còntra lei blindats paquistanés en1965.