Zoetermeer er ein kommune og by vest iNederland iprovinsenZuid-Holland. Han har opp mot 120 000 innbyggjarar og er den tredje største byen i provinsen etterRotterdam ogHaag.
Namnet Zoetermeer refererer til den tidlegare innsjøen som låg her.
På 900-talet var Zoetermeer ein liten landsby som hovudsakleg var busett av bønder og fiskarar. Ein gong på 1200-talet vart landsbysenteret danna og det eksisterer framleis som Dorpsstraat. Fram til 1600-talet låg det ein innsjø ved landsbyen kalla Zoetermeer. I dag er berre delar av denne att som Noord Aa i nordenden av byen. Denne kunstige innsjøen vart danna av store mengder sand ein trengde for byggmaterial til nye hus og området nord for Zoetermeer var ei god kjelde.
Det gamle bysentrumet.
Fram til 1935 var landsbysenteret ein kjenner i dag delt i to landsbyar, Zoetermeer og Zegwaard.
Zoetermeer byrja å vekse då det første toget kom til byen rundt 1868. Eit par tiår seinare opprettaNumico ein fabrikk nær stasjonen. Byen byrja først å vekse for fullt i 1966 då det vart stor trong for heimar til folk rundt Haag. Frå den tid oppstod det nye bydelar rundt det gamle landsbysenteret og Zoetermeer utvikla seg til ein by.
Sjølv om Zoetermeer i dag liknar ein moderne by, er det framleis spor etter fortida. Det gamle landsbysenteret har framleis små hus og ei kyrkje frå seint på 1400-talet.
