Kart over deltakarlanda i fotball-VM 1982Italia sitt mannskap i VM-kampen mot Argentina i mellomrunda. Bak frå venstre; Zoff, Giancarlo Antognoni, Scirea, Graziani, Collovati og Gentile, framme frå venstre; Rossi, Conti, Cabrini, Oriali og Tardelli.
Verdsmeisterskapen i fotball 1982 vart avvikla iSpania i tida 13. juni til 11. juli 1982.Italia vann sin tredje VM-tittel etter finalesiger 3-1 overVest-Tyskland.
For fyrste gong deltok 24 land i verdsmeisterskapen, desse var inndelt i seks grupper med fire land i kvar. Dei to beste i kvar gruppe gjekk vidare til ei mellomrunde med fire grupper, kvar av dei med tre deltakarland. Vinnarane av dei fire gruppene i mellomspelet møttest så til to semifinalar.
I semifinalane vann Italia 2-0 overPolen, medan Vest-Tyskland slo utFrankrike i straffetevling. Den siste kampen vart høgdramatisk; den vesttyske målvaktaHarald Schumacher felte franskePatrick Battiston som var i ferd med å skåre eit «opplagt» mål på stillinga 1-1 i ordinær tid, og i ekstraomgangane tok Frankrike leiinga 3-1 før vesttyskarane reduserte og så utlikna til 3-3.
Bronsekampen iAlicante enda med polsk siger 3-2 over Frankrike.
Dei 52 kampane fann stad på 17 arenaer i 14 ulike byar. ItalienarenPaolo Rossi vart toppskårar i turneringa med seks mål.
VM-finalen mellom Italia og Vest-Tyskland fann stad påSantiago Bernabéu iMadrid om kvelden 11. juli, med 90 000 tilskodarar til stades. Etter ein mållaus fyrste omgang skåra Italia i det 12., 24. og 36. minutt av andre omgangen ved Rossi, Tardelli og Altobelli. Straks etter Italia sitt tredje mål, redusertePaul Breitner for Vest-Tyskland.
