Shibam (arabisk skrift شِبَام), ofte kallaShibam Hadhramaut, er ein by iJemen. Han har kring 7 000 innbyggjarar og er setet iShibam-distriktet iHadhramaut guvernement. Byen er kjend for dei høge bygningane sine i leirstein.
Byen vart første gongen nemnd i inskripsjonar på 200-talet.[1] Han var hovudstaden i kongedømetHadramawt.
Sjibam ligg vest i det sentrale området avHadhramaut guvernement, i ørkenenRamlat al-Sab`atayn. Hovudvegen går tilSana'a og andre byar vest i Jemen, og til dei austlege områda av landet. Dei nærmaste byane erSeiyun ogTarim, begge i aust.
Shibam er innskriven påverdsarvlista tilUNESCO på grunn av den særeigne arkitekturen. Husa i Shibam er laga avteglstein av gjørme og leire og kring 500 av dei erbustadblokker, frå 5 til 11 etasjar høge,[2] der kvar etasje har eitt eller to rom.[3] Denne arkitektstilen vart nytta for å verne innbyggjarane motbeduinåtak. Shibam har eksistert i kring 1700 år, men dei fleste husa i byen er frå 1500-talet. Mange hus er derimot blitt ombygd mange gonger dei siste hundreåra.
Shibam vert ofte kalla «den eldsteskyskraparbyen i verda» eller «ørkenens Manhattan», og er ein av dei eldste og beste døma påbyplanlegging basert på prinsippet om å byggje i høgda.[4] Byen har somme av dei høgaste leirsteinsbygningane i verda, somme av dei over 30 meter høge[5], og er dermed tidlege høghusblokker. For å verne bygningane frå regn og erosjon, må ein rutinemessig vedlikehalde veggane med å påføre eit ferskt lag med gjørme.
Den nærliggande byenTarim inneheld det høgaste byggverket iWadi Hadhramaut-dalen, einminaret i leirstein som høyrer til Al-Mihdhar moské. Det er kring 53 meter høgt.[3] Dette er den høgaste minareten sør påDen arabiske halvøya.[6]
Byen vart hardt råka av flaum i 2008.[7] Fundamentet på fleire bygningar i byen vart øydelagde av flaumen og førte til at dei etter kvart kollapsa.[8] Byen var òg eit mål forAl Qaida-åtak i 2009.[9][10]
- ↑«Wadi Hadramowt and walled city of Shabam». Henta 3. januar 2010.
- ↑Helfritz, Hans (April 1937). «Land without shade».Journal of the Royal Central Asian Society24 (2): 201–16.doi:10.1080/03068373708730789.
- ↑3,03,1Jerome, Pamela; Chiari, Giacomo; Borelli, Caterina (1999). «The Architecture of Mud: Construction and Repair Technology in the Hadhramaut Region of Jemen».APT Bulletin30 (2–3): 39–48 [44].JSTOR 1504639.doi:10.2307/1504639.
- ↑Old Walled City of Shibam,UNESCO World Heritage Centre
- ↑Shipman, J. G. T. (June 1984). «The Hadhramaut».Asian Affairs15 (2): 154–62.doi:10.1080/03068378408730145.
- ↑p. 9,The Shadow Factory: The Ultra-Secret NSA from 9/11 to the Eavesdropping on America, James Bamford, Random House, Inc., 2009,ISBN 0-307-27939-1.
- ↑«Death Toll Mounts In Tropical Storm». CBS 13. 31. mai 2016. Arkivert fråoriginalen 22. mars 2009. Henta 31. mai 2016.
- ↑«Historic Town of Shibam Hadramout Escapes Flooding Largely Unscathed». ITN Source. November 3, 2008.
- ↑«Al Qaida blamed for Yemen attack». CNN. 16. mars 2009. Henta 31. mai 2016.
- ↑«Al-Qaida in Jemen:Political, Social and Security Dimensions». Jemen Post. 12. april 2009. Henta 31. mai 2016.
