Polo er ein lagidrett som oftast går føre seg tilhest. Der finst andre versjonar av polo, til dømes elefantpolo, men hesteversjonen er vanlegast og mest kjend.
Polo går ut på å treffe motstandarlaget sitt mål med ein liten ball. For å treffe ballen vert ei lang kølle nytta. Det er fire hestar og fire ryttarar på kvart lag, og tevlinga går vanlegvis føre seg på ei stor grasbane. Ved innandørspolo er der tre spelarar på kvart lag.
Polo oppstod i Austen og har ei over tusen år lang historie. Somme hevdar at polo fyrst vart spela i Persia (som erIran i dag), medan andre hevdar at poloen sine røter er indiske. Seinare har mellom anna det britiske imperiet vore med på å spreie polosporten vidare. I dag erArgentina eit av landa som utmerkar seg. Polo var med i det olympiske programmet under femsommar-OL. Fyrste gongen var i 1900 i Paris og siste gongen var i 1936 i Berlin.
