BakterienSalmonella typhimurium blant kultiverte menneskeceller
Matforgiftning ellermatboren sjukdom er ein akutt mage-tarmsjukdom forårsaka av inntak av skjemdmat. Dersom fleire enn to personar er vorte sjuke etter å ha ete det same, tyder dette på ei matforgifting.
Matforgifting er framkalt av giftstoff, toksin, frå sjukdomsframkallande bakteriar eller virus i matvarer. Ein føresetnad for forgifting er førekomsten av toksin, og skil symptom og kliniske teikn frå vanlegeinfeksjonar.Toksin er eit kjemisk stoff som i låge konsentrasjonar er biologisk giftig og som er produsert av mikroorganismar som bakteriar og virus. Næringsmidla kan innehalde toksin produserte av einskilde mikroorganismar under vekst i næringsmiddelet eller i menneskekroppen (tarmen) etter inntak.
Symptoma kan vere sterke med smertar i magen, oppkast ogdiaré, men er oftast lette, avhengig av toksinmengda. Matforgiftinga kan vare frå timar til nokre få dagar. Når det samstundes er levande bakteriar i maten, vil tilstanden etter ei viss tid gå over i ein regulær tarminfeksjon (salmonellose, dysenteri). I andre tilfelle kjem matforgiftning av toksin framkalla av andre bakteriar, særlegstafylokokkar. Her er inkubasjonstiden særs kort, gjerne frå to til fire timar, der brekningar, diaré og ofte kollaps kan vere symptom. Begge desse formene for matforgifting er stort sett godarta, men krev nokre gonger intensiv væskebehandling, fordi væsketapet med avføringa kan bli stort.[1]
Bruk aldri helseinformasjon frå Internett, medrekna Wikipedia, utan å rådspørja helsepersonell.
Informasjon på Wikipedia er ikkje naudsynlegvis sann, presis eller oppdatert. Hugs at Wikipedia er eit nettbasert leksikon som alle kan endre. Wikipedia er ikkje eit alternativ til profesjonell helsehjelp. Viss du treng medisinsk hjelp, venlegst ring ditt lokalenødnummer, eller rådfør deg med helsepersonell (lege, sjukepleiar, osb.).
