Malatya (armensk ՄալաթիաMalat'ya;gresk Μαλάτεια,Malateia,gammalsyrisk ܡܠܝܛܝܢܐMalīṭīná) er ein by søraust i Tyrkia og administrasjonssenter iprovinsen Malatya. Han ligg ved foten avTaurusfjella. Per 2010 budde det 401 705 menneske i byen.
Staden for byen har vore busett i tusenvis av år.Assyrarane kalla byen forMeliddu[1] og som ei følgje av denromerske ekspansjonen mot aust, vart byen omdøypt til Melitene pålatin. Staden Malatya låg iantikken ligg nokre få kilometer frå den moderne byen i det som i dag er landsbyen Arslantepe og nær det avhengige distriktssenteret Battalgazi. Dagens Battalgazi var staden der byen Malatya låg fram til 1800-talet då ein gradvis forflytting av byen til dagens tredje lokalisering byrja. Det offisielle namnet til Battalgazi var Eskimalatya («Gamle Malatya»); inntil nyleg var det eit namn som berre vart nytta lokalt.
Malatya har eitsteppeklima med varme og tørre somrar, og kalde og snørike vintrar. Den høgaste dokumenterte temperaturen var 42,2 °C den 31. juli 2000. Den lågaste dokumenterte temperaturen var -19,0 °C den 27. desember 2002.
| Vêrdata for Malatya |
|---|
| Jan | Feb | Mar | Apr | Mai | Jun | Jul | Aug | Sep | Okt | Nov | Des | År |
|---|
| Høgast målte °C | 14,2 | 18,6 | 27,2 | 33,7 | 36 | 40 | 42,2 | 41,5 | 38,8 | 33,1 | 25 | 18 | 42,2 |
|---|
| Gjennomsnittleg maks °C | 3,7 | 6,1 | 12 | 18,6 | 23,9 | 29,7 | 34,2 | 34 | 29,3 | 21,5 | 12,4 | 5,7 | 19,3 |
|---|
| Gjennomsnittleg min °C | −2,6 | −1,7 | 2,4 | 7,6 | 11,7 | 16,3 | 20,1 | 20 | 15,5 | 9,9 | 3,6 | −0,6 | 8,5 |
|---|
| Lågast målte °C | −17 | −15,3 | −13,9 | −4,2 | 0,1 | 7 | 10 | 12,4 | 5,7 | −1,2 | −12 | −19 | −19 |
|---|
| Gjennomsnittlegnedbør mm | 35,6 | 35,3 | 50,2 | 54,7 | 45,9 | 18,8 | 3,3 | 2,2 | 7,1 | 38,8 | 42,3 | 38,2 | 372,4 |
|---|
| Gns.solskinstimar i månaden | 108,5 | 117,6 | 176,7 | 216 | 294,5 | 348 | 387,5 | 365,8 | 297 | 229,4 | 156 | 102,3 | 2 799,3 |
|---|
| Kjelde: Devlet Meteoroloji İşleri Genel Müdürlüğü[2]Hong Kong Observatory[3] |
Universitet İnönü, eit av dei største universiteta i den austlege regionen av Tyrkia, ligg i Malatya. Det vart grunnlagd i 1975 og har tre institutt og ni fakultet på sin campus, og med meir enn 2500 tilsette og 20 000 studentar. Universitetet ligg i den sørlege delen av Malatya. Det er òg 162 vidaregåande skular i Malatya.
Det offisielle laget til Malatya er Malatyaspor i fargane raud og gul. Laget kjempar per 2012 i andre divisjonen. Stadionet til laget er Malatya İnönü Stadium som ligg i sentrum av byen. Det andre laget til byen er Malatya Belediyespor med fargane grøn og oransje og kjempar for tida i tredje divisjonen.
Marknaden i Malatya og Aprikosfestivalene har vorte halde sidan 1978 kvart einaste år i juli for å fremje byen ogaprikosar, og for at produsentar skal ha ein møtestad. I løpet av festivalane er det ulike sportsaktivitetar, konsertar og aprikoskonkurransar.
Når det ikkje blir feira for aprikosen, er det ein festival forkirsebær ved distriktet Yeşilyurt i Malatya og fordruer i distriktet Arapgir. Det skjer òg årleg.
