| Jeangu Macrooy | |||
 | |||
| Fødd | 6. november1993 (31 år) | ||
|---|---|---|---|
| Fødestad | Paramaribo | ||
| Opphav | Surinam | ||
| Aktiv | 2011– | ||
| Sjanger | pop | ||
| Instrument | gitar | ||
| Verka som | songar-låtskrivar,songar | ||
Jeangu Macrooy (fødd6. november1993 iParamaribo) er einsurinamsk-nederlandsksongar oglåtskrivar innan moderne soul. Han har budd i Nederland sidan 2014 og har hovudpublikummet sitt i Nederland, Surinam og etter kvart òg iBelgia,Frankrike ogTyskland. Macrooy skulle ha representertNederland på heimebane iEurovision Song Contest 2020 iRotterdam med songen «Grow», men tevlinga vart avlyst for å hindra spreiinga avkoronaviruset. I staden vart Macrooy representant for Nederland iEurovision Song Contest 2021 med låten «Birth of a New Age».
Saman med tvillingbroren Xillan Macrooy danna han bandet Between Towers i 2011. Duoen sitt fyrste og einaste album,Star sin on My Radio, vart gjeve ut i 2013.[1] Etter å ha studert ved musikkonservatoriet i Paramaribo i to år, forlét han heimlandet og flytta til Nederland i 2014 for å studere låtskriving ved ArtEZ University of Arts iEnschede.[2]
Under ein opptreden ved skulen, møtte Macrooy musikkprodusenten Perquisite og signerte platekontrakt med plateselskapet til Perquisite i desember 2015.[3] Debut-EP-en til Macrooy,Brave Enough, kom ut på marknaden i april 2016 og hans fyrste singel, «Gold», vart brukt avHBO i samband med ein reklamevideo for Game of Thrones.[4] I april 2017 slapp Macrooy debutalbumet sitt,High on You.
Utgjevinga vart etterfylgd av ein klubb-turné i Nederland og med opptredenar som oppvarmingsartist for blant andre Curtis Harding, Ayọ og Trombone Shorty. Han har òg opptredd ved fleire større musikkfestivalar, blant dei North Sea Jazz Festival og Lowlands. I desember 2017 drog Macrooy tilbake til Surinam for å halda den fyrste konserten med bandet sitt i Paramaribo.[5] Singelen «Dance With Me» vart brukt som temalåt i den nederlandske filmenOpen Seas (2018).
Det andre albumet til Macrooy,Horizon, vart gjeve ut i februar 2019.[6][7] Sommaren 2019 heldt han sin fyrste større turné som hovudartist i tre store tyske byar:Köln,Hamburg ogBerlin.[8] Han spelte òg under Reeperbahn Festival i Hamburg.[9]
10. januar 2020 annonserte nederlandsk fjernsyn at Macrooy skulle representereNederland på heimebane iEurovision Song Contest 2020 iRotterdam.[10][11] Han skulle delta med songen «Grow», og som vertsnasjon var Nederland direktekvalifisert til finalen laurdag 16. mai. Men tevlinga vart avlyst for å hindra spreiinga avkoronaviruset. I staden fekk Macrooy representere Nederland iEurovision Song Contest 2021 med låten «Birth of a New Age».[12][13]
Macrooy har vore ein jamleg gjest på det nederlandske talkshowetDe Wereld Draait Door. Der har han framført sin eigen musikk og hylla ei rekkje andre artistar somStevie Wonder, George Michael og The Blue Diamonds. Han framførte ògBob Dylan sin «The Timest They Are a-Changin'» i ei spesialsending. I 2018–2019-sesongen framførte han òg fleire songar avPaul Simon som hadde annonsert ein avskjedsturné i 2018.
29. mars 2018 deltok Macrooy i den årlege nederlandske tv-teateretThe Passion, der han spelte rolla somJudas saman med Tommie Christiaan (Jesus), Brainpower (Peter), Glennis Grace (Maria) og Arjan Ederveen (Pilatus).[14]
| Tittel | Detaljar | Høgste listeplassering | |||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| NED [15] | |||||||||||||||||||
| High on You |
| 69 | |||||||||||||||||
| Horizon |
| — | |||||||||||||||||
| «—» markerer ei utgjeving som ikkje nådde lista eller vart utgjeve i det aktuelle landet. | |||||||||||||||||||
| Tittel | Detaljar |
|---|---|
| Live! |
|
| Tittel | Detaljar |
|---|---|
| Brave Enough |
|
| Tittel | År | Høgste listeplassering | Album | ||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| SUR [16] | |||||||||||||||||||
| «Gold» | 2016 | — | Brave Enough | ||||||||||||||||
| «To Love Is to Hurt» | — | ||||||||||||||||||
| «Brave Enough» | — | ||||||||||||||||||
| «Step into the Water» | 2017 | — | High on You | ||||||||||||||||
| «Crazy Kids» (med Xillan) | — | ||||||||||||||||||
| "High on You" | 1 | ||||||||||||||||||
| «Tell Me Father» | — | ||||||||||||||||||
| «How Much I Love You» | 2018 | — | Horizon | ||||||||||||||||
| «Dance with Me» | — | ||||||||||||||||||
| «Shake up This Place» | 2019 | — | |||||||||||||||||
| «Second Hand Lover» | — | ||||||||||||||||||
| «Grow» | 2020 | — | |||||||||||||||||
| «Birth of a New Age» | 2021 | – | |||||||||||||||||
| «—» markerer ei utgjeving som ikkje nådde lista eller vart utgjeve i det aktuelle landet. | |||||||||||||||||||
| År | Pris | Kategori | Resultat |
|---|---|---|---|
| 2017 | Edison Awards | Beste nykommar | Nominert |
| 2018 | Beste album (High on You) | Nominert |
