Bror Yngve Rahm (fødd 4. januar1955) er ein norsk politikar fråSkien. Han var 1997–2005 stortingsrepresentant forTelemark ogKristeleg Folkeparti.

Rahm voks opp iGjerpen, far hans var snikkar. Sjølv byrja han arbeide i postverket, deretter var han 1977-80 reisesekretær i Kristeleg Folkeparti. Sidan hadde han jobb som bilseljar heime i Telemark. Perioden 1984 til -95 var han dagleg leiar av Kontaktsenteret (seinare Skien diakonale senter), eit tilbod for unge rusmisbrukarar. I 1995 vart han vald inn i Telemark fylkesting der han fekk posisjonen som leiar av hovudutvalet for vidaregåande opplæring. To år seinare kom Rahm inn på stortinget som den fyrste representanten busett i Siljan. På Tinget var han medlem i Energi- og miljøkomitéen, perioden 2001–05 som komitéleiar. Ved stortingsvalet 2005 mista Rahm og Kristeleg Folkeparti sitt mandat i Telemark. Frå 2006 var Rahm tilsett i Norsk Industri i over ti år. Jamsides hadde han fleire offentlege verv, så som styreleiar i Statens naturskadefond, i Telemarkskanalen og iArtsdatabanken.

• Einskildmenn
• Fødde i 1955
• Stortingsrepresentantar 1997-2001
• Stortingsrepresentantar 2001-2005
• Folk frå Skien
• Kristeleg Folkeparti

• Pages using the JsonConfig extension
• Fødde den 4. januar
• Artiklar med autoritetsdata