को-अपरेटिभ रिपब्लिक अफ गायना (न्हापा ब्रिटिश गायना)दक्षिण अमेरिकाया छगू देय् ख। थ्व देय् हलिमय् दकलय् म्हो जनसंख्या दूगु देय् मध्ये छगू ख (थुकिया २ लख वर्ग किमि स्वया अप्व क्षेत्रफल दुने ७ लख मनु च्वनि)।जर्जटाउन थ्व देय्या राजधानी ख; देय् या अप्व थें मनू थ्व देय्या उत्तरपश्चिमं दक्षिणपूर्व तक्क दूगु समतल तटीय ख्यलय् ला। भेनेजुयलां एसेक्विबो खुसिया पश्चिमय् च्वंगु भूमियात थःगु भागया रुपय् दाबी याःगु दु ।
गायनाया आःया राष्ट्रपति इरफान अली ख। सन् १९६६या मे २६ (व स्वया न्ह्यः थ्व देय्यात ब्रिटिश गुयाना धाइगु) संयुक्त अधिराज्यं थ्व देय् स्वतन्त्रता प्राप्त यात। सन् १९६८य् समाजवादी सरकार पीएनसीं बहुमत त्याकेधुंकाः न्ह्याकूगु गणतन्त्रयात थीथी जातीय पुचःयात सरकारय् समाहित यायेगु निंतिं सहकारी वा को-अपरेटिभ नां तःगु ख। "सहकारी गणतन्त्र" खँग्वः धाःसा १९६१ निसें न्ह्याःगु खः।
गायना राष्ट्रमंडल व क्यारिबियन समुदायया दुजः ख।
गायनायात १०गु क्षेत्रय् बायातःगु दु:
| ल्या | लागा | क्षेत्र
(किमि२ ) | मनूल्या
(२०१२) | मनू
प्रतिकि.मि. | मू नगर |
|---|
| १ | बरिमा-वैनी | २०,३३९ | २६,९४१ | १.३ | माबरुमा |
| २ | पोमेरुन-सुपेनाम | ६,१९५ | ४६,८१० | ७.६ | अन्ना रेजिना |
| ३ | एसेक्विबो टापुत-पश्चिम डेमेरारा | ३,७५५ | १०७,४१६ | २८.६ | वृद एन हूप |
| ४ | डेमेरारा-महाइका | २,२३२ | ३१३,४२९ | १४०.४ | त्रायम्प[३][४] |
| ५ | महाैका-बर्बिस | ४,१९० | ४९,७२३ | ११.९ | फोर्ट वेलिङ्गटन |
| ६ | पूर्वी बर्बिस-कोरेन्टाइन | ३६,२३४ | १०९,४३१ | ३.० | न्यू एमस्टरडम |
| ७ | कुयुनि-मजरुनी | ४७,२१३ | २०,२८० | ०.४ | बार्टिका |
| ८ | पोतारो-सिपारुनी | २०,०५१ | १०,१९० | ०.५ | महदिया |
| ९ | माथिया ताकुतु-माथिया एस्सेक्विबो | ५७,७५० | २४,२१२ | ०.४ | लेथेम |
| १० | अपर डेमेरारा-बर्बिस | १७,०४० | ३९,४५२ | २.३ | लिन्डेन |
| गायना | २१४,९९९ | ७४७,८८४ | ३.५ | जर्जटाउन |
