आयोवा अमेरिकी राज्यय् कुल क्षेत्रफल कथं २६गु दकलय् तःधंगु व ३१गु दकलय् अप्व जनसंख्या दूगु राज्य ख, गुकिया जनसंख्या २०२०या जनगणना कथं ३,१९०,३६९ दु। राज्यया राजधानी, दकलय् अप्व जनसंख्या दूगु नगर, व राज्यया दुने पूर्ण रुपं अवस्थित दक्ले तःधंगु महानगरीय क्षेत्रदि मोइन ख। ग्रेटर ओमाहा, नेब्रास्का, महानगरीय क्षेत्रया छगू भाग दक्षिणपश्चिम आयोवाया स्वंगु काउन्टीइ स्वानाच्वंगु दु। आयोवायात अमेरिकाया दकलय् सुरक्षित राज्यय् छगू कथं कायेगु या।
१८गु व १९गु शताब्दीया सुरुइ आयोवा फ्रान्सेली लुइजियाना व स्पेनिश लुइजियानाया छगू भाग जुयाच्वन; थुकिया राज्य ध्वाँय् फ्रान्सया ध्वाँय्या आधारय् दयेकूगु खः।लुइजियाना पर्चेज धुंका थन वःपिं मनूतेसंकर्न बेल्टया केन्द्रय् कृषिइ आधारित अर्थतन्त्रया जग दयेकल। २०गु शताब्दीया उत्तरार्धय् आयोवाया कृषि अर्थतन्त्रय् उन्नत उत्पादन, प्रशोधन, वित्तीय सेवा, सूचना प्रविधि, जैव प्रविधि , व वांगु ऊर्जा उत्पादनया विविध अर्थतन्त्रय विकास जुल।
