Wendell Reid Corey (*20. März1914 inDracut,Massachusetts; †8. November1968 inWoodland Hills,Los Angeles,Kalifornien) weer en US-amerikaanschenSchauspeler unPolitiker.
Corey weer de Söhn vun den SchauspelerMilton Rothwell Corey un Julia Etta McKenney. Na School gahn is he inSpringfield, woneem he sien Afsluss maakt hett. He heet toeerst bi’t Theater sien Loopbahn maakt, woneem he Enn vun de 1930er Johren sien latere Ehfro Alice Wiley drapen hett. MIt ehr harr he veer Kinner. 1942 geev he sien Debüt an’nBroadway mit dat StückComes The Revelation. He speel eerst eenige Nevenrullen un haar 1945 mitDream Girl sien eersten groten Spood in en Hööftrull. Dorbi weer he vun den ProduzentHal B. Wallis för Hollywood opdeckt. Corey hett dorophen en Verdrag biParamount Pictures ünnerschreven.
Sien eerste Filmrull speel he 1947 as Verbreker inDesert Fury, de in de Vereenigten Staaten veel Spood harr. Wiel sien korte Loopbahn bi’n Film hett he mit vele bekannte und beropene Stars tosamen speelt, as to’n Bispeel in den Hitchcock-FilmRear Window an de Siet vunJames Stewart. Faken weer he inWesternfilmen to sehn.
Vun 1961 bit 1963 weer he Präsident vun deAcademy of Motion Picture Arts and Sciences un togliek ok Liddmaat vun deScreen Actors Guild. Siet 1956 hett sik Corey ok in de Politik stark maakt un weer 1965 för deRepublikaansche Partei in den Stadtraat vunSanta Monica wählt. En Johr later hett he för en Sitt in’tRepräsentantenhaus vun de Vereenigten Staten kandideert, man al bi deVörwahl vun sien Partei verloren. An’n 8. November 1968 is Wendell Corey unvermodens mit 54 Johren doodbleven. De Oorsaak weer enLebberzirrhoos dör sien johrelangenAlkoholismus. He is inWashington (Massachusetts) begraaft worrn.
| Johr | Titel | Synchroonsnacker |
|---|---|---|
| 1947 | Desert Fury dt.:Desert Fury – Liebe gewinnt | Fred Maire |
| 1948 | I Walk Alone dt.:Die toten Jahre | |
| 1948 | The Search dt.:Die Gezeichneten | Hubertus Bengsch (Feernsehn) |
| 1948 | Sorry, Wrong Number dt.:Du lebst noch 105 Minuten | Wolfgang Lukschy |
| 1949 | Holiday Affair | |
| 1950 | The File on Thelma Jordon dt.:Strafsache Thelma Jordon | |
| 1950 | Harriet Craig dt.:Die Lügnerin | Curt Ackermann |
| 1951 | The Great Missouri Raid dt.:In Rache vereint | Fritz Tillmann |
| 1951 | The Wild Blue Yonder dt.:Höllenreiter der Nacht | Heinz Engelmann |
| 1952 | The Wild North dt.:Gefährten des Grauens | Heinz Giese |
| 1952 | Carbine Williams dt.:Stärker als Ketten | |
| 1953 | Jamaica Run | |
| 1954 | Hell’s Half Acre dt.:Razzia im Chinesenviertel | |
| 1954 | Rear Window dt.:Das Fenster zum Hof | Paul Klinger (1. Synchro 1954) Horst Schön (2. Synchro 1984) |
| 1955 | The Big Knife dt.:Hollywood Story | |
| 1956 | The Killer Is Loose dt.:Blutige Hände | Wolfgang Lukschy |
| 1956 | The Bold and the Brave dt.:Ein Fetzen Leben | |
| 1956 | The Rainmaker dt.:Der Regenmacher | Wilhelm Borchert |
| 1957-58 | Harbor Command, Feernsehreeg dt.:Alarm im Hafen | |
| 1958 | The Light in the Forest dt.:Das Herz eines Indianers | |
| 1959 | Alias Jesse James dt.:Ein Schuss und 50 Tote | Arnold Marquis |
| 1959 | Peck’s Bad Girl, Feernehreeg | |
| 1961 | Westinghouse Playhouse, Feernsehreeg | |
| 1962-64 | The Eleventh Hour, Feernsehreeg | |
| 1964 | Blood on the Arrow dt.:Goldfieber | |
| 1966 | Women of the Prehistoric Planet | |
| 1966 | Cyborg 2087 | |
| 1966 | Picture Mommy Dead dt.:Das Kabinett der blutigen Hände | Martin Hirthe |
| 1968 | Buckskin dt.:Shadock | Curt Ackermann |
| 1968 | The Astro-Zombies dt.:Astro-Zombies, Roboter des Grauens | Friedrich W. Bauschulte |
Corey hett blots en Utteken kregen, dat weer in’t Johr 1960 sien Steern op’nWalk of Fame in de Kategorie Feernsehn.