| Filmdaten | |
|---|---|
| Plattdüütsch Titel: | — |
| Originaltitel: | Vanilla Sky |
| Düütsch Titel: | Vanilla Sky |
| Produkschoonsland: | USA |
| Johr vun’t Rutkamen: | 2001 |
| Läng: | 136 Minuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | Cameron Crowe |
| Dreihbook: | Cameron Crowe, Alejandro Amenábar, Mateo Gil |
| Produkschoon: | Bill Block |
| Musik: | Nancy Wilson |
| Kamera: | John Toll |
| Snitt: | Joe Hutshing, Mark Livolsi |
| Szenenbild: | Catherine Hardwicke |
| Kledaasch: | Betsy Heimann |
| Dorstellers | |
| |
Vanilla Sky (op plattdüütsch so veel as „Himmel as Vanille“; dt. Titel:Vanilla Sky) is de Titel vun en US-amerikaanschFilmdrama ut dat Johr 2001, bi denCameron Crowe Speelbaas weer. Bi den Film hannelt sik dat üm enNeeverfilmen vun den FilmAbre los ojos vunAlejandro Amenábar ut dat Johr 1997.
David Aames is ennarzistischen Minsch, de in en fein Leven föhren dröff un dat mit vullen Hannen utkosten deit. He is de Besitter vun en Verlagshuus, dat Millionen swoor is. Die Lüüd möögt em geern un he hett dat attraktive blonne Model Julie Gianni as Fründin, de mit em Sex maken deit. Liekers föhlt he sik binnen in leddig. Sien Glück schient he eerst funnen to hebben, as he op en Party de Künstlersche Sofia drapen deit, in de he sik verkieken deit.
Julie will dat aver nich eenfach so henneh,men, dat David ehr eenfach so fallen lett. Wiel en Autofohrt vertellt se em, dat se em Leef hett un dat se ehr Tokumst mit em an de Siet sehn hett. UtIeversucht un Vertwieveln gifft se Gas un raast mit dat Auto op en Brügg to. David överleevt den Unfall mit swore Besehren, wiel Julie dorbi doodblifft. Mit ehr starvt aver ok sien fein Leven: he verlütt sien eenzige Leef Sofia, sien eenzigen Fründ Brian, kann sien rechten Arm nich mehr bruken un mutt dormit torecht kamen, dat sien Gesicht na den Unfall verunstalt is. Sofia dorgegen kummt mit David nich mehr torecht, vunwegen dat he mit de Situatschoon vullkamen överfoddert is un dordör en richtig Ekel warrt. Se wennt sik af vun em. Man, een Dag later ännert sik allens: Sofia verkloort em ehr Leef un de Dokters vertellt em, dat se En lösung funnen hebbt för sien Arm un sien Gesicht.
Na un na warrt sien Leven wedder normal. Denn aver, een Dag, sütt he Julie wedder vör sik un weet op eenmol nich mehr wat Wohrheit un watFikschoon is. He kriggt Panik un drückt de angeevlichen Julie en Kissen op’t Gesicht bit se doot is. Dorna aver mutt he faststellen, dat he nicht Julie ümbröcht hett, man Sofia. He warrt fastnahmen un wegenMoord anklaagt. In’t Gefängnis dröpt he mit denPsycholoog tosamen, de över em en Gootachten schrieven mutt. In’n Verloop vun’t Snacken lehrt he David beter kennen. Op sien Raat hen begeevt se sik tosamen na de Firma „Life Extension“ (LE), vunwegen dat he jümmerto vun jemehr Warf verfolgt worrn is.
In’t Büro vun LE warrt David vun en Techniker de Wohrheit vertellt: Dat he neemlich egentlich enKunn vun jem is un sien Lief al siet 150 Johren bi jem in de Firma inKryostaas opbewohrt warrt. As Sofia em verstött harr, harr he neemlich den Verdrag mit LE afslaten un dornaSülvstmoord mit en Överdosis Slaapmiddel maakt. Mitarbeiters vun LE hebbt em wedderbeleevt un sien Gedanken an den Suizid löscht. Allns wat dorna passeert is, weer blots Deel vun en Droom. Dat Weten üm sien verstümmelten Lief un de Moord an Julie weern vun en Systemfehler utlööst. Op dat Dack vun de Firma warrt he vör de Wahl stellt: He kann sien „infroren Leven“ mit en verbeter’t Programm wieterföhren oder in de Tokumst wedder Opwaken. Man, dorför müss he as Teken sotoseggen nochmol doodblieven, to’n Bispeel dordör dat he vun’t Dack springen deit. Dorna künn he wedder opdaut warrn un in de Realität wieterleven. Un as de Technik nu ok wieter is, künn ok sien Gesicht wedder herstellt warrn.
He is sik nich seker, wat dat allns wohr is un wat he glöven schall. Togliek weet he ok nich, wat de betere Wohl is. Opletzt springt he aver un sütt bi’t Fallen noch mol sien Leven as in en Film an sik vörbitehn. Kort vördem he ünnen opslahn deit warrt dat Bild witt un en Stimm snackt mit em un seggt, dat he de Ogen apen maken schall. De letzteInstellen wiest en Oog, dat apen geiht.
Allgemeen weern de Kritiken nich so dull. DatLexikon vun’n internatschonalen Film betekent dat spaansche OriginalAbre los Ojos as en brillanten Film. Dit Remake stell dorgegen de twüschenminschlichen Aspekten to dull na vörn, wobi dat Fantastische un de Thriller-Elementen to kort kamt. De Film verlütt dordör un kann dat veel kumplexere Originaldreihbook nich ümsetten.
Vanilla Sky weer för 26 Filmpriesen vörslahn, dorünner ok eenmol för denOscar in de KategorieBest Leed förPaul McCartney sien LeedVanilla Sky. För Penélope Cruz geev dat ok en Nomineeren för deGolden Himbeer. Wunnen hett de Film opletzt fief Priesen:
Ofschoonst de Kritiken eher nich so good weern, hett de Film alleen in de USA mehr as 100 Millionen US-Dollar inspeelt.[1] De Naam vun den Film kummt vun den Himmel inClaude Monet sien BildLa Seine à Argenteuil.
Penélope Cruz, de in den Film de KünstlerscheSofia Serrano dorstellt, hett de glieke Rull ok al in’t spaansche Original speelt. In de Partyszeen hettSteven Spielberg enCameo-Optritt. He harr to de Tiet jüst mit sien egen FilmMinority Report to doon. Cameron Crowe un Cameron Diaz hebbt in’n Gegentog Kortoptreden inMinority Report hatt. De Dreiharbeiten dorto mit Tom Cruise güngen glieks naVanilla Sky los.
De Soundtrack to den Film bargt Leder vunRadiohead,R.E.M.,Sigur Rós,The Chemical Brothers.Paul McCartney hett förVanilla Sky en Leed mit den glieken Titel komponeert, dat för den Oscar nomineert weer. OkNancy Wilson hett en Leed bistüürt. Dat Leed „I Fall Apart“ vunCameron Diaz is ünner ehrn RullennaamJulianna Gianni rutbröcht worrn.
