Dit Woort hett noch annere Bedüden: kiek dorför ünnerSamtgemeen Geestborn (1971–1974).
| Wapen/Flagg | Koort | |
|---|---|---|
|
| |
| Basisdaten | ||
| Sitt: | Oerel | |
| Landkreis: | Rodenborg (Wümm) | |
| Inwahners: | 6472(31. Dezember 2016) | |
| Geograafsche Laag: | 53° 28′ N, 9° 3′ O | |
| Gemeenslötel: | 03 3 57 403 | |
| Tall Gemenen: | 5 | |
| SG-Börgermeester: | Stephan Meyer | |
| Websteed: | www.geestequelle.de | |
 | ||
DeSamtgemeen Geestborn (hoochdüütsch:Geestequelle) is enSamtgemeen in’nLandkreis Rodenborg (Wümm), in de sik fief Gemenen för de Afwickeln vun de Verwaltenssaken tohopen slaten hebbt. Se hett 6472 Inwahners (Stand 31. Dezember 2016).
En Översicht över de Geologie un Entstahn vun dat Rebeet vun’n helen Landkreis is in den ArtikelLandkreis Rodenborg (Wümm) beschreven un kann dor naleest waarn.
De Samtgemeen Geestborn liggt ganz in’n Noorden vun den Landkreis Rodenborg (Wümm), ungefäähr fief Kilometer westlich vun de fröhere Kreisstadt Bremervöör. In’n Süüden sluut sik de beiden EenheitsgemenenBremervöör unGnarrenborg an, sonst grenzt dat Rebeet an denLandkreis Cuxhoben mit sien GemenenBeverst,Beers unLoomst. De Gemeen Geestborn mitt ruch weg 20 km vun Noord na Süüd un üm un bi 13 km vun West na Oost.
De Samtgemeen is noch jung. Se weer an’n 1. März 1974 bi de dormolige Rebeetsreform ut de dree SamtgemenenGeestborn,Basdaal unEversdörp mit de hüütigen fief Liddmatengemenen tohopenslaten. In dat Rebeet hebbt 1871 ruch weg 2.000 Minschen leeft. De Tall hett sik bit 1939 verdubbelt. Dör Flüchtlingen un Verdrevene weern dat na’nTweeten Weltkrieg ungefäähr 7.300 Lüüd. De Naam Geestborn geiht op deGeest, den gröttsten vun dree Strööm torüch, de op dat Samtgemeenrebeet jemehrn Born hebbt.
Dat Raadhuus in Örel is 1982 boot worrn.
Afsehn vun Basdaal hebbt all annern Gemenen al vun Öllers her jümmer to deKarkengemeen Oerel tellt. Mit den Bo vun en ne’eKark in Hipst 1960 is hier ok en ne’e Karkengemeen tostannen kamen.
| Johr | Inwahners[1] |
|---|---|
| 1972-12-3131. Dezember 1972 | 5938 |
| 1977-12-3131. Dezember 1977 | 5858 |
| 1982-12-3131. Dezember 1982 | 6010 |
| 1987-12-3131. Dezember 1987 | 5998 |
| 1992-12-3131. Dezember 1992 | 6159 |
| 1997-12-3131. Dezember 1997 | 6475 |
| 2002-12-3131. Dezember 2002 | 6681 |
| 2007-12-3131. Dezember 2007 | 6669 |
| 2012-12-3131. Dezember 2012 | 6438 |
| 2017-12-3131. Dezember 2017 | 6441 |
To de Samtgemeen höört de nafolgend fief Gemenen (na’t Bookstaberen):
DeSamtgemeenraat vun de Gemeen besteiht vundaag neven den den Samtgemeenbörgermeester ut achtteihn wählte Raatsliddmaten, de sik op dree verscheeden Parteien verdeelt. De letzte Kommunalwahl weer an’n 11. September 2016:
| Partei | 2016 | 2011 | 2006 |
| CDU | 7 | 6 | 6 |
| SPD | 5 | 7 | 7 |
| WFB | 6 | 5 | 5 |
DeSamtgemeenbörgermeester is Stephan Meyer.
DatWapen vun de Samtgemeen wiest en fiefblödrigen Ekenspraat op sülvern Grund. De fief Blööd staht för de Liddmatengemenen. DeSpraat is en Teken för dat Tohopenwassen to en Samtgemeen. Gliektietig wiest he op den „Hinsel“ hen, wat en vun de gröttsten tosamenhangend Wooldrebeden in’tElv-Werser-Dreeeck dorstellt.
Ünner den Ekenspraat liggt en blauen Bülgenbalken, de as Teken steiht vör deWaterscheed, de dör dat Rebeed twüschenElv unWerser verlöpt. Hier hebbt dree Strööm jemehrn, wovun deGeest un deLuun na de Werser fleet, wiel deMeh över deOost na de Elv henfleet. De Strööm dörsniedt mehrere Gemenen un hebbt bedüdend Influss op dat Landschapsbild.
Dat Rebeet weer al fröh an en grootrüümig Verkehrsnett anslaten, vun wegen, dat dat hier fröher Hannels- un Heerweeg vunBremen naStood geven hett. Vundaag loopt mit deB 71, deB 74 un deB 495 dreeBundsstraten dör dat Rebeet vun de Samtgemeen. De neegsten Autobahnanslusssteden sünd man teemlich wiet weg. Na deA 27 vunCuxhoben na Bremen sünd dat ungefäähr 35 km un na deA 1 twüschen Bremen unHamborg sogor 45 km.
In Hipst un Oerel gifft datBahnhööv vun deBahnlien Bremerhoben–Buxthu. En wietere Iesenbahnlien is de so nöömte „Moorexpress“, de Bremervöör mitOosterholt-Scharmbeck verbinnt, aver vör allen för denTourismus ünnerwegens is.
De neegsteFlaaghaven is 65 km wiet weg un liggt in Bremen.
