Prosa (latienschprōsa oratioslichte Rede)[1][2] betekent unbunnen Sprake, anders as bunnen Spraakformen asVerse,Riemels oder rhythmische Sprake. Dat Woord givt’t bloot in de Eentaal. Een Schriever oder ene Schrieversche, de alleen oder to’n groten Deel Prosa affaat, is eenProsaist.
Prosaisch, wat van Prosa afleid is, betekent ene drüge, slichte Schriev- oder Uutdruckswiese.[3]
Eerst was de Begreep Prosa för wetenschoplik, schriftlik Texte in Bruuk (to’n BispeelHistorie,Philosophie oderNatuurwetenschoppen) un ook för Notizen, de anderster asDichtwärke, de bet in dat 18.Jaarhunderd rin to’n groten Deel inVersen was un för den mündliken Vördrag dacht was. Düsse Unnerscheed het dat Verständnis van Literatuur in’e Neetied bet in dat 18.Jaarhunderd rin bestimmt. Versen güllen för de betere Form sik to vertellen un de Prosa as ene Form, de Kraft mankeert sik to verwören.[4]
Läter beteken Prosa ook allgemeen jede Textsoorte, friege Olldagssprake man ook kunstvullefiktschonale Texte. Sied den 18.Jaarhunderd is de de Begreep ook een Synonym för Literaturaarden so asEpik med denRomaan as dat wichtigste Medium för düsse Aard Literatuur.[5] Prosagenres sind to’n BispeelRomane,Novellen, Vertellens,Kortgeschichten,Essays,Feuilletons, Memoirenliteratuur,Biografien,Breve, allerhand SlagSaaktexte un heel de wetenschoplike Literatuur. Korte Prosa, sunnerlik Novellen, heet ookKortprosa.
Ofschoon Prosa nich van alleen faste Regels för de Textkompistschoon het, kann se doch in den Upbu verdicht sien. So könnt Prosatexte to’n Bispeel rhetoorsche Figuren oder rhythmische Elemente bruken den Inhoold düüdliker to’n Uutdruck to bringen.
↑prose (n.).In:Online Etymology Dictionary.Afropen an’n 19.Januar 2015.
↑Heike Gfrereis (Heruutgever):Prosa. In: Heike Gfrereis (Heruutgever):Grundbegriffe der Literaturwissenschaft.Metzler, Stuttgart un Weimar 1999,ISBN 978-3-476-10320-8, S.159 f., hier S. 159. Kiek ook bi Thomas Althaus:Prosa. In: Gerhard Lauer und Christine Ruhrberg (Heruutgever):Lexikon Literaturwissenschaft · Hundert Grundbegriffe. Philipp Reclam jun., Stuttgart 2011,ISBN 978-3-15-010810-9, S.275–278, hier S. 275.
↑Thomas Althaus:Prosa. In: Gerhard Lauer, Christine Ruhrberg (Heruutgever):Lexikon Literaturwissenschaft. Hundert Grundbegriffe. Reclam, Stuttgart 2011,ISBN 978-3-15-010810-9, S.275–278, hier S.275.
↑Heike Gfrereis (Heruutgever):Prosa. In: Heike Gfrereis (Heruutgever):Grundbegriffe der Literaturwissenschaft. Metzler, Stuttgart / Weimar 1999,ISBN 978-3-476-10320-8, S.159 f., hier S.159. Kiek ook bi Thomas Althaus:Prosa. In: Gerhard Lauer, Christine Ruhrberg (Heruutgever):Lexikon Literaturwissenschaft. Hundert Grundbegriffe. Reclam, Stuttgart 2011,ISBN 978-3-15-010810-9, S.275–278, hier S.276f.
