DeBundsautobahn 1 (Afk.:BAB 1, in Kortform okA 1 nöömt) is enAutobahn in Düütschland, de vunHilligenhaven an de Oostsee naSaarbrücken föhrt un en Samtläng vun 727 km hett. Enige Afsneden sünd ok mit sünnere Naams betekent: So warrt de Streck twüschenLübeck un datRuhrrebeetHansalien nöömt. VunHamborg bit Hilligenhaven un in de Verlängern (asBundsstraat 207) bit naPuttgorn opFehmarn warrt se asVagelflaaglien betekent. Vun’t Autobahnkrüüz Köln-West bit nat Autobahndreeeck Vulkaneifel driggt se ok de BetekenEifelautobahn.
De BAB 1 is op verscheden Streckenafsneden Deel vun ünnerscheedlicheEuropastraten:
Ünner de Regeeren vun deZentrumspartei in deWeimarer Republiek güng dat al gegen Enn vun de 1920er Johren dormit los, Snellstraten to planen, de mehrere Sporen hebben un ahn Krüüzen un Ampeln boet warrn schüllen. Disse Plaans güngen in de Tiet vunnNatschonalsozialismus wieter un weern to de Tiet ok in’n groden Rahmen ümsett (kiek okRieksautobahn). To de Anfäng vun’t Ümsetten hören ok de beiden Autobahnen A 1 unA 2. VunBremen bitSaarbrücken folgt de A 1 ruchweg de Fluchtlien vun deBundsstraat 51.
Mit den Bo vun de Autobahn in’n Ruum vun de Eifel is al vör denTweeten Weltkrieg anfungen worrn, man fardig worrn is blots en korten Afsnitt in’n ruum Hasborn, bevör de Boarbeiten vun wegen den Krieg instellt warrn müssen.
De Streckenafsneden vun Bremen (-Borglesum, nuA 27) na Hamborg (-Veddel, nuA 255) is sünners boet worrn as’n Verbinnen twüschen de düütschen Noordseehavens. Mit den Bo vun de süüdlicheÜmfohrt vun Hamborg is en wietereIlvbrüch nödig worrn, üm över de Noorderilv to kamen. De is 1962 in Form vun en schraagseelverspannten Middeldrägerbrüch fardigstellt worrn.
De Afsnitt vun’t Bremer Krüüz bit na’t Kamener Krüüz („Hansalien“) is 1969 freegeven worrn. De A 1 krüüzt deA 2 bi’t Kamener Krüüz noordööstlich vunDüörpm. Dit tweete düütscheAutobahnkrüüz, dat in de Form vun en Klever-Blatt utföhrt woorn is, is gegen Enn vun de 1930er Johren fardig worrn. Dat eerste vun disse Oort is dat Schkeuditzer Krüüz (A 9/A 14) biLips.
Rückstännen vun’nKollen Krieg sünd to’n Bispeel bi Lübeck to sehn in Form vun Sprengschächt in de Överföhren vun’t Travedaal.
Opstunns drifft de Bund veel Opwand, üm de A 1 uttoboen. Hooch in’n Noorden warrt de Autobahn bit an de Küst anbunnen un in dat hele överlast Rebeet twüschen Hamborg un Köln liggt de Grundöverarbeiten un en tomeist dörgänigen Utbo op dree Spooren an. De Utbo vun en Reeg vun Autobahnkrüüzen un Anslusssteden is in letzte Tiet afslaten worrn, in Bo oder in’t Planen. In’t süüdliche Rebeet steiht’n gröttere Lück an, de slaten warrn schall. De Afsluss vun’n gröffsten Deel vun disse Boarbeiten is vör 2013 vörsehn.
In’n Noorden is de Verlängern in de Twüschentiet bitGremersdorf (hdt.) kamen. Op de Streck bitHilligenhaven is toeerst mol de eerste Fohrbahn in twee Striepens in Bedriev. De tweet Fohrbahn schall noch 2008 apen maakt warrn. Plaant is, de A 1 bit naPuttgorn to verlängern. Dorbi is aver opstuinns noch nich klor, woans deFehmarnsundbrüch utboet warrn kann, de ok blots twee Striepens hett. Bit 2018 schall en faste Överföhren över’nFehmarnbelt naDäänmark inricht warrn, üm de A 1 mit de däänschenE 47 to verbinnen. To Tiet warrt disse Verbinnen noch mit deFährscheep twüschen Puttgorn unRødby ümsett.
An’n 25. März 2008 hett de 3-sporige Utbo twüschenVechte unLohn/Dinklaoge in Fohrtricht Bremen anfungen, de bit to’n Dezember 2008 afslaten warrn schall. Dat Johr dorop fangt denn den Utbo in Richt Düörpm an, as ok de Utbo twüschenBraumske unOssenbrügge-Noord.
De fröhere AnslusssteedDemost-Oost (58) is bit to’n AutobahndreeeckStuhr (58a) mit deA 28 ümboet worrn. De öörtliche Anbinnen warrt nu vun de ne’en Anslusssteed Groot Mackenstedt op de A 28 un vun Süüden kamen över’n ne’e Anslussteed Demost-Oost vun de A 1 (58b) övernahmen. Bit Harvst 2008 schall de Lück twüschen de A 28 bit na’t Dreeeck Demost slaten warrn.
Bit 2009 schall ok deFlaaghaven Mönster/Ossenbrügge en direkte Anbinnen as de Autobahn (AS 75) kriegen.
De Anslusssteed Remscheid warrt opstunns ok utboet un schall bit Enn 2008 fardigstellt wesen. Hier geiht dat üm Arbeiden vöra allen an Brüchen un üm’t Verlängern vun de Infädelspoor. De sössstriepige Utbo vun’t Deelsstück Raststeed Remscheid bit na de Anslusssteed Remscheid in richt Düörpm löpt al siet 2005 un schall ok bit Enn 2008 afslaten warrn, dorna warrt an de Gegenricht gahn.
Wedder in’n Plaan is de Ümbo vun de Anslusssteed Wuppertal-Ronsdorf to en Autobahndreeeck, üm den süüdwestlichen Lückensluss vun’n Autobahnring üm Wuppertal bit na deA 46 vullstännig to maken, de Anfang 2006 dör’t Apenmaken vun’n Burgholztunnel üm en wieteret Deelstück anwassen is.
In de 1970er Johren al sünd Brüchen för dat Autobahndreeeck Vulkaneifel boet worrn. de Verbinnen vun dor na Noorden dör deEifel naBlankenheim is in de verleden Johren blots bit na de Landesstraat 46 bitDaun-Rengen vörankamen. Dat fehlen Stück twüschen de L 46 un deB 410 nee (Anslusssteed Gerolsstein) is in Bo. Dorför sünd ruchweg 50 Millionen Euro praatstellt worrn. Freegeven warrn schall dat Stück 2009. Beginn vun’n Bo vun den 3,5 Kilometer langen Afsnitt twüschen Rengen un Gerolstein weer in’n August 2005. De Afsnitt Daun bit Rengen is an’n 6. Dezember 2005 för den Verkehr freegeven worrn. Opstunns ennt de Autobahn dor in en provisoorsche Affohrt, de bit to’t Fardigstellen vun de lateren Anslussteed Gerolstein ehr Naam un Nummer hett.
De Hööftverkehrsverbinnen vunTrier in Richt Köln blifft eerstmol vun’t Autobahndreeeck Vulkaneifel an de wietere Verloop vun deA 48 bit na de AffohrtMayen, vun dor över en een- bit tweesporige Kraftfohrstraat an Mayen vörbi bit na de OpfohrtMendig op deA 61 un vor dor ut na Noorden Richt Köln/Bonn. Wahlwies kann ok de wietere Verloop vun de A 48 bit naKoblenz nütt warrn un vun dor ut de A 61. En wietere teemlich veel bruukte Streck föhrt dör de Westeifel över deA 60 un deB 51.
Strecken in Bedriev:
Hööftstrecken:A 1 |A 2 |A 3 |A 4 |A 5 |A 6 |A 7 |A 8 |A 9
Över- un regional:A 10 |A 11 |A 12 |A 13 |A 14 |A 15 |A 17 |A 19 |A 20 |A 21 |A 23 |A 24 |A 25 |A 26 |A 27 |A 28 |A 29 |A 30 |A 31 |A 33 |A 37 |A 38 |A 39 |A 40 |A 42 |A 43 |A 44 |A 45 |A 46 |A 48 |A 49 |A 52 |A 57 |A 59 |A 60 |A 61 |A 62 |A 63 |A 64 |A 65 |A 66 |A 67 |A 70 |A 71 |A 72 |A 73 |A 81 |A 92 |A 93 |A 94 |A 95 |A 96 |A 98 |A 99
Regional un lokal:A 100 |A 103 |A 111 |A 113 |A 114 |A 115 |A 117 |A 143 |A 210 |A 215 |A 226 |A 255 |A 261 |A 270 |A 280 |A 281 |A 293 |A 352 |A 391 |A 392 |A 395 |A 445 |A 480 |A 485 |A 516 |A 524 |A 535 |A 540 |A 542 |A 544 |A 553 |A 555 |A 559 |A 560 |A 562 |A 565 |A 571 |A 573 |A 602 |A 620 |A 623 |A 643 |A 648 |A 650 |A 656 |A 659 |A 661 |A 671 |A 672 |A 831 |A 861 |A 864 |A 952 |A 980 |A 995
Plaant oder ehmolige Strecken:
A 16 |A 18 |A 22 |A 32 |A 34 |A 35 |A 36 |A 41 |A 47 |A 50 |A 51 |A 54 |A 55 |A 56 |A 69 |A 74 |A 77 |A 80 |A 82 |A 83 |A 84 |A 85 |A 86 |A 87 |A 88 |A 89 |A 90 |A 91
A 102 |A 104 |A 105 |A 106 |A 107 |A 205 |A 227 |A 241 |A 250 |A 252 |A 253 |A 263 |A 282 |A 290 |A 314 |A 339 |A 369 |A 376 |A 388 |A 430 |A 432 |A 441 |A 443 |A 448 |A 451 |A 480* |A 533 |A 545 |A 552 |A 558 |A 580 |A 610 |A 621 |A 647 |A 652 |A 653 |A 654 |A 655 |A 680 |A 683 |A 687 |A 713 |A 720 |A 722 |A 731 |A 751 |A 752 |A 753 |A 828 |A 834 |A 840 |A 860 |A 862 |A 863 |A 863* |A 881 |A 895 |A 921 |A 922 |A 942 |A 944 |A 985 |A 990 |A 991 |A 992 |A 993 |A 994 |A 996 |A 997 |A 998 |A 999
* ehmolig Plaan, Tall is intwüschen anners vergeven
