In’nEersten Weltkrieg weer för Russland de Togang to de See na Westen hen dör datDüütsche un datOsmaansche Riek sperrt. Russland harr keen sekern Togang to Hülp von de AllieertenBriten unFranzosen. Dorüm hebbt se 1915 anfungen, deMurmanbahn na de Barentssee to boon.
Dat Rebeed bi Murmansk is dör de Utlöpers von’nGolfstroom, de warm Water mitbringt, dat ganze Johr över iesfree. Över dissen Haven un de Bahnlien schull dat zentrale Russland versorgt warrn.
Murmansk is 1916 grünnt worrn un hett an’n 21. September 1916 Stadtstatus kregen. De Stadt hett eerstRomanow an’n Murman heten (Романов-на-Мурмане; na de ZarenfamilieRomanow un de Laag an de Noordküst von Kola, deMurmanküst nöömt warrt), hett aver al kort na deFebruarrevolution an’n 3. April 1917 den ne’en Naam Murmansk kregen.
In’nTweten Weltkrieg hett dat Düütsche Riek von Juni bet November 1941 in deOperation Silberfuchs versöcht, Murmansk intonehmen un dormit Murmansk as Haven för deArktischen Konvois to blockeren. Dat hebbt se aver nich henkregen. Liekers hebbt de Düütschen en Barg Bummen op Murmansk afsmeten un de Stadt temlich tweibummt. De Stadt harr in disse Tied ok en Kriegsfungenenlager mit de Nummer 363 för Kriegsfungene ut dat Düütsche Riek.
An’n 40. Johrsdag von’n Sieg över Düütschland an’n 6. Mai 1985 hett de Stadt för ehren Wedderstand gegen de Düütschen den EhrentitelHeldenstadt kregen.
In de Tied von deSowjetunion weer Murmansk ok en wichtigen Haven, över den Noordsibirien in’n Sommer över See un över de groten Strööm mit Woren versorgt worrn is.
De Stadt is en wichtigen Stüttpunkt von de russ’scheNoordflott un weer bet 1991 kumplett sperrt.
Dat Wapen wiest baven op blauen Grund en gollenIesbreker un dor över - dorstellt as gollen Streken - datNoordlicht un ünnen op gollen Grund en blauen Fisch.
