Dit Woort hett noch annere Bedüden: kiek dorför ünnerMoorborg (Mehrdüdig Begreep).
| Wapen/Flagg | Koort | |
|---|---|---|
 |
| |
| Basisdaten | ||
| Postleettall: | 21079 | |
| Geograafsche Laag: | Koordinaten:53° 29′ N, 9° 57′ O53° 29′ N, 9° 57′ O | |
| Grenzen bi OSM: | 29184  | |
 | ||
| ||
Moorborg (hoochdüütsch Moorburg) is en Stadtdeel in’nBezirk Horborg von de StadtHamborg. De Oort hett 729 Inwahners (Stand 31. Dezember 2010) op en Rebeed von 10 km².
Moorborg liggt in deMasch an dat linke Över von deSüderelv un man knapp höger as de See. Deelwies is dat Rebeed okmoorig. De höögste Punkt is deMoorbörger Barg mit 21,9 m över de See. Na Süden hen to liggt deHorbörger Bargen.
In’n Noorden von Moorborg liggtOolwarder, in’n OostenWillemsborg, in’n SüdenHeimfeld, in’n SüüdwestenHuusbrook un in’n WestenFrancop.
Dat Rebeed von Moorborg hett toeerstGlindesmoor heten. 1309 kummt de Kark toeerst in de Oorkunnen vör, as Dochterkark vonWilsdörp.
Dat Rebeed von Moorborg is 1375 Besitt von de Stadt Hamborg worrn. Dat weer dormaals dat Ole Moor un de Reetwisch, de de Hambörgers köfft hebbt un dor 1390 denn en Borg boot hebbt, de Hamborg de Kuntrull över de Süderelv sekern un dat HambörgerStapelrecht dörsetten helpen schull. Disse Borg hett denn Moorborg heten. Bet to datGroot-Hamborg-Gesett von 1937 weer Moorborg ok de eenzigste Deel von Hamborg, de in’n Süden von deElv leeg.
Dat Gebüüd von de ole Borg is 1821 afreten worrn.
In de Franzosentied von 1811 bet 1814 weer de Oort Seet von deMairie Moorborg in’nKanton Horborg. Dat Rebeed hett in disse Tied 1811 bet 1814 to datFranzöösche Kaiserriek ünnerNapoleon höört.
Bi en Fährunglück an’n 14. Oktober 1861, as dat Fährboot von’n Fährmann Rittscher ünnergahn is, sünd söven Lüüd ut Moorborg in de Elv verdrunken.
In’nEersten Weltkrieg sünd 73 Soldaten ut Moorborg fullen oder vermisst un in’nTweten Weltkrieg 151[1].
De ole Süderelv twüschen Moorborg un Oolwarder is na deStormflood 1962 dichtschüddt worrn. Dat Elvwater flütt nu över denKöhlbrand af.
Moorborg is von de Stadt Hamborg as Hafenerweiterungsgebiet utwiest worrn un de Stadt hett en Barg Hüüs opköfft. Dorüm is de Inwahnertall von Moorborg över de Tied bilütten dalgahn.
| Johr | Inwahners |
|---|---|
| 1812-00-001812[2] | 1616 |
| 1847-00-001847[3] | 2000 |
| 1871-12-011. Dezember 1871[4] | 1799 |
| 1895-00-001895[5] | 1746 Lüüd, 384 Hüüs |
| 1910-12-011. Dezember 1910[6] | 1989 |
| 2010-12-3131. Dezember 2010 | 729 |
Moorborg isevangeelsch-luthersch präägt un billt mit deMaria-Magdalena-Kark en egen Kaspel. Dat eerste Maal warrt 1309 von en Kark in Moorborg snackt. De ole Kark stünn op enWarft an’n Moorbörger Karkdiek. De hüdige Kark is 1597 boot worrn.
Bi deWiehnachtsflood 1717 stünn ok Moorborg ünner Water un opminnst een Minsch is dor bi verdrunken. Ok bi de Nachtflood an’n 25/26. Februar 1718 sünd wedder Minschen verdrunken. Bi de Flood an’n 2./3. März 1791 is de Diek an twee Steden in Moorborg braken. Ok bi de Floden an’n 10. bet 12. Dezember 1792 un 3. März 1793 is dat Water över de Dieken gahn.
Bi de Flood von’n 3./4. Februar 1825 is dat Huus von Familie Harms wegspöölt worrn un een Dochter verdrunken. Bi de Flood an’n 28. März 1845 is de Diek wedder braken un Moorborg stünn ünner Water.
Bi de Flood von 1962 is de Diek an 18 Steden braken un ölven Lüüd sünd verdrunken.
In Moorborg op’n Karkhoff gifft dat en Denkelsteen för de Fullenen ut deFreeheitskrieg’ 1814 (as bi en Gefecht üm de Moorbörger Schanz ölven Soldaten fullen sünd) un ok en Denkmaal för de Fullenen ut de twee Weltkrieg’.
De Schützenvereen Moorborg is 1903 grünnt worrn un de Turn- un Sportvereen 1897. DeFreewillige Füürwehr is 1893 grünnt worrn.
In’n Süüdwesten von Moorborg liggt en 380-kV-Höögstspannungs-Schaltanlaag.
Von 1974 bet 2001 hett datGaskraftwark Moorborg mit 1000MW von deHEW lopen. De Schosteen von dat Kraftwark weer mit 256 m bet 2004, as he sprengt worrn is, dat höögste Bowark in Hamborg.
Vattenfall hett 2007 anfungen, datKöhlenkraftwark Moorborg mit 1730 MW to boon.
Dör Moorborg löppt deAutobahn 7 mit en egen Opfohrt (Opfohrt 31 Moorborg). De A 7 löppt in’n Noorden dör denElvtunnel na Hamborg un is in’n Süden mit deA 1 verbunnen. An’n Süüdrand von Moorborg löppt deBundsstraat 73 langs, de von deA 253 von Horborg un Heimfeld in’n Oosten kummt un denn in’n Westen över Huusbrook,Neegraven unFischbeek naVosshusen unBuxthu löppt.
In’n Oosten löppt de Kattwyk-Damm över deKattwyk-Brügg na deHoge Schaar un Willemsborg.
In Tokumst schall deA 26, de in’n Noordwesten naStood un na datAutobahndreeeck Drochters lopen schall, in Moorborg ennen un dor an de A 1 ranlopen.
De Grundschool Moorborg hett 2007 dichtmaakt. Dat gifft aver en egenKinnergoorn.
Cranz |Eißendörp |Francop |Good Moor |Horborg |Husbrook |Heimfeld |Langenbeek |Marmsdörp |Moorborg |Neefeld |Neegraben-Fischbek |Neeland |Oolwarder |Rönnborg |Sinstörp |Wilstörp
