Kortrijk (franzööschCourtrai) is een Stadt in de ProvinzWest-Flannern in de RegionFlannern inBelgien. De Stadt is ok Setel vun denKreis Kortrijk. In Kortrijk leevt 73.625 Inwahners (2005, 35.897 Mannslüüd (48,76 %), 37.728 Froonslüüd (51,24 %)) up een Fläch vun 80,03 km².
De Stadt liggt an den StroomLeie (franzööschLys) un is bi 24 km wiet af vun de Grenz twuschen Belgien unFrankriek. Se höört ok to deEuroregio Kortrijk-Lille to.
Al in de Tiet vun datRöömsch Riek geev dat up düsse Steed eenen röömschen Oort mit den NaamCortoriacum. Man eerst in datMiddelöller is de Geschicht vun de Stadt richtig to griepen. De Stadtrechten hett Kortrijk1189 kregen. Vun dat 14.Johrhunnert af an güng dat mit de Weertschop vun Kortrijk bannig bargup. Dat keem besunners vunwegen deTextilindustrie. An’n 11. Juli1302 is dicht bi Kortrijk een franzöösch Ridderheer slahn wurrn. Dat weer in deGullensporen-Slacht. In dat Johr1382 hefft de Franzosen Kortrijk innahmen un utplünnert. In’t 19. Johrhunnert güng dat so richtig mit deIndustrie in de Stadt los. Besunners weer dat wedder de Textilindustrie, de dor utboot wurrn is. In dat Johr1917 un later in’n Mai1940 is de Stadt tweemal vunwegen den Krieg täämlich kaputt maakt wurrn.
