De Söhn vun en Reknerfachmann hett sien Kindheit mit de Öllern, sien ölleren Broder Simon un sien lütte süster Anna inSüüdafrika un inGrootbritannien verleevt. 1976 is he naAustralien togen un füng dor en Schauspeelloopbahn an. Na den Afsluss an deKnox Grammar School inSydney un deNational School of Dramatic Art, an de ok Filmstars asMel Gibson unGeoffrey Rush utbillt worrn sünd, hett he spoodriek inBühnen- unFilmprodukschonen speelt.
Fröhe Acht hett he 1994 kregen förThe Adventures of Priscilla, Queen of the Desert. Weltberopen hebbt em aver sien Rullen as Agent Smith in de Matrixtrilogie un twee Johr later as Elrond in de Verfilmen vunThe Lord of the Rings maakt.
2005 is he bi lopende Dreiharbeiden as maskeert Hööftdorsteller in den FilmV for Vendetta för sien KollegenJames Purefoy insprungen, as de ut dat Projekt utstegen is, wiel he sik ut künstlerische Grünnen mit denSpeelbaas nich recht vergahn künn. De mehrsten Szenen vun den Film weern mit Hugo Weaving dreiht, de Szenen, de noch mit Purefoy dreiht weern, hett Weavingnasynchroniseert.
2006 stünn he in deBrooklyn Academy of Music an de Siet vunCate Blanchett op de Bühn in de Inszeneeren vun deSydney Theatre Company vun dat Ibsen-StückHedda Gabler.
De anEpilepsie lieden Weaving leevt mit sien Fro Katrina Greenwood un sien twee Kinner Holly un Harry in Sydney.
