In Hannober warrt elk Johr dat gröttsteSchüttenfest op de Eer fiert.
Hannober is de Seet vun deEvangeelsche Kark in Düütschland. Dat is nich all, wiels hier ok Nichchristen stark vörhannen sünd: Vör den Krieg weer Hannober ene vun de twee groten düütschen Städer mit över twee Perzent freereljöse Lüüd in Düütschland, de anner weerMeideborg. Vundaag sünd veleLutheraner in disse Stadt mitRuss’sch as Moderspraak.
Vundaag hett HannoberLeipzig as Partnerstadt. Hannober hett een vun de gröttsten Messen op de Eer. Dat Messegelände is dat gröttste op de Eer. Hannober is de Stadt, wo de vörmalsche BundskanzlerGerhard Schröder leevt. Hannober, siet mehr as 100 Johr ene bannig starke SPD-Stadt, hett in sien Historie keen CDU-Böverbörgermeester hatt.
DeVorwärts, dat Zentralorgan vun deSPD, wörr hier na denTweten Weltkrieg grünnt.Hannober is ok en Deel vun Neddersassen, de Deel, wat inst datKönigriek Hannober weer. Dat Königshuus Hannober weer denn ok inEngland an de Macht.
In Hannober snackt de Minschen okPlattdüütsch. Hier en lütjet Bispeel, wat in dat Book "Twischen Bronswiek un Hannower" vum Ostfaliaverlag to finnen is:
"Wenn Heinrich mit den Keihen heruttog, denn ging Hedwig me, aber sei ging naher hin un freue sek, wenn sei den Jungen Freuhstücke oder Vesper herut bringen dröffte. De meiste Tied gaff de Pastor Heinrich me up den Weg: Heinrich, passe meck awer up, dat dei Wildfang - hei meine Hedwig- nich in de Beeke fällt!" Hei sä dat man jümmer ut Spaß, wenn Hedwig dat heure, hei wuste ganz gut, dat hei seck up heinrich verlaten könne, wenn hei den einmal wat eseggt harre." (Dat is ut Christian Flemes sien Vertellen "Wo Hedwig Oberwald Plattdütsch lehre")
