.jpg)
Carmen Mercedes McRae (*8. April1920[1] inHarlem,NYC; †10. November1994 inBeverly Hills,Kalifornien) weer enUS-amerikaanschJazz-Singerin.
Carmen McRae nehm privat Klaveerünnerricht un fung all fröh an, eegen Songs to schrieven. In dat New YorkerApollo Theater hett se en Amateurwettbewarf wunnen. En vun hör Songs, „Dream of Life“, keem överTeddy Wilson in de Hann’n vunBillie Holiday, de hüm Anfang vun de 1940er Johren upnommen hett. Bi Wilson sien fröhere EhefruIrene Kitchings hett McRae as Demo-Singerin arbeit, de up disse Wies hör Songs an Agenturen verkoopen dee, as den laterenJazzstandard „Some Other Spring“. To hör Idol hett se later seggt: „Hätte Billie Holiday nicht existiert, hätte es mich wahrscheinlich auch nicht gegeben“.[2]
1946 hett McRae den SlagtüüchspelerKenny Clarke heiraadt (de Ehe wurr 1949 schett). Ebenfalls 1946 harr se hör eersten Gesangsupträen mitBenny Carter unCount Basie, dornah in de körtlevend Band vunMercer Ellington. Se hett as Pausen-Singerin un Pianistin in verscheeden Chicagoer un denn in New Yorker Jazz Clubs arbeit, ünner annern in datMinton’s Playhouse in Harlem, un nebenbi as Stenotypistin, bevör se 1953 vunMilt Gabler förDecca Records opdeckt wurr, wo se 1954 hör eerst eegen Schallplatten as Singerin upnehmen dee. 1956 hett se den BassistenIke Isaacs heiraadt, de hör ünner anner ok up hörNewport-Upträe 1957 begleiten dee. Midden vun de 1950er Johre entstunnen eenige Alben för dat lütt LabelBethlehem, an de ünner annernTony Scott,Herbie Mann un de AkkordeonistMat Mathews mitwarkt hemm (By Request). Dornah folgten hör Produktschonen förDecca; in dat AlbumBoys Meets Girl (1957) hett se Duette mitSammy Davis, Jr. sungen; inMad About the Man (1957) hett se Songs vunNoël Coward nee sungen un up dat vunRalph Burns arrangeert AlbumBirds of a Feather wurr se vunBen Webster unMundell Lowe begleit.
In‘n Sömmer 1961 entstunn hör woll best Album, hör Tribut an hör IdolLady Day,Carmen McRae Sings Lover Man and Other Billie Holiday Classics upColumbia Records, up dat se ünner annern vunNat Adderley,Eddie Lockjaw Davis unMundell Lowe begleit wurr.[3] In den 1960er Johren bleev se – as en vun de wenigen jazzorienteerten Singerinnen – hör Stil trüe, ok wenn se dorbi nee Songmaterial vunBilly Joel,Lennon/McCartney,Stevie Wonder oderMichel Legrand mit inbauen dee. McRae is sowohl as Nachtclubsingerin as ok up Konzerten un Festivals uptreeden, ünner annern up datMonterey Jazz Festival, datWorld Jazz Festival inJapan (1964) un 1968 up datBerkeley Jazz Festival. 1987 is se gemeensam mitBetty Carter uptreeden (The Carmen McRae–Betty Carter Duets).
Wegen enLungenemphysem truck sück de starker Rookerin McRae 1991 ut dat Showgeschäft torüch.
De bi hör Kolleginnen hooch ansehn Singerin stunn immer in’n Schadden vun de dree GröttenSarah Vaughan, Billie Holiday unElla Fitzgerald. Fitzgerald hett över den Rang vun Carmen McRae seggt: „Was für ein Tollhaus ist doch zuweilen das Jazz- und Showgeschäft! Ginge es nur nach Talent, so müssten ihr tausend wunderschöne Dinge widerfahren sein“. „Sie kann alles singen, einfach alles,“ hettAnita O’Day hör loovt; förDionne Warwick weer se „eine Institution, eine wunderbare Sängerin und Interpretin“.[4]
De SchrieverWill Friedwald hett de Singerin in sien BookSwinging Voices of America as folgt loovt: „Ihr scharfer, unter Umständen beißender Ton nähert sich dem von Billie Holiday; ihre Art, Melodielinien zu verändern, steht in starker Beziehung zurVaughan/Eckstine-Schule und die Kenntnis harmonischer Praxis im Gegensatz zur Theorie, die nötig ist, um Linien so sicher zu paraphrasieren, wie McRae es tut, geht weit über das Maß durchschnittlicherScat-Sängerinnen hinaus.“[5]
un ok in deAmerican Jazz Hall of Fame is se upnommen wurrn.
Solo-Alben
Upnahmen mit anner Künstlern
Mitwirkung an Upnahmen vun anner Künstler
